ГалоўнаяНавіныКніжныя выстаўкі
Роўныя правы, роўныя магчымасці
Беларускія песні на эмодзі: угадай мелодыю

Навагодні серпанцін

Навагодні серпанцін
Іншыя навіны

З 3 снежня па 15 студзеня на кальцавым калідоры 2-га паверха Нацыянальнай бібліятэкі Беларусі арганізавана святочная тэматычная выстаўка “Навагодні серпанцін”.

Новы год і Каляды – святы асаблівыя, прасякнутыя чараўніцтвам і верай у казку, напоўненыя дзівосамі, радасцю, зімовымі забавамі, падарункамі, утульнымі сямейнымі і сяброўскімі вечарамі. Напярэдадні Новага года падводзяць вынікі мінулага, развітваюцца з адыходзячым годам і ўсімі яго радасцямі і непрыемнасцямі. У розных краінах навагодняя і калядная ночы лічацца чарадзейнымі і магічнымі.

Пабываўшы на выстаўцы, можна даведацца пра гісторыю і традыцыі навагодніх свят, як упрыгожыць сваю кватэру, арыгінальна аформіць падарункі родным і блізкім, самастойна змайстраваць маскі, сувеніры і ёлачныя ўпрыгожанні. Парады прафесійных дэкаратараў і сцэнарыстаў дапамогуць стыльна сервіраваць стол і арганізаваць незабыўнае, поўнае весялосці, неспадзяванак і конкурсаў свята.

Цэнтральнае месца займаюць выданні, якія распавядаюць пра святкаванне Новага года і Нараджэння Хрыстова ў Беларусі. У экспазіцыю ўвайшлі кнігі, якія разглядаюць цыкл зімовых свят, раскрываюць сэнс і сімволіку абрадавай ежы, адзення і атрыбутаў, міфалагічны і сакральна-магічны змест рытуальных дзеянняў, варажбы. Цікавасць у чытача выклікаюць сцэнарна-метадычныя распрацоўкі, створаныя на аснове народных гульняў, прозы, вусна-паэтычнай творчасці, танцавальнага фальклору.

Таксама на выстаўцы прадстаўлены кнігі, якія апавядаюць пра традыцыі святкавання навагодніх свят у Расіі, Францыі, Германіі, Канадзе і іншых краінах, мастацкая літаратура навагодняй тэматыкі для дзяцей.

Кантактны тэлефон: (8 017) 293 28 86.

Матэрыял прадастаўлены аддзелам галерэйна-выставачнай дзейнасці.

Навіны

VOKA бясплатна пакажа спектакль пра Скарыну па п’есе Віктара Марціновіча

22 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Новы віртуальны праект да 100-годдзя Нацыянальнай бібліятэкі Беларусі

21 Сту 2021

Прапануем вашай увазе віртуальны праект “Нацыянальная бібліятэка Беларусі ў сучаснай прэсе”, прысвечаны 100-годдзю галоўнай бібліятэкі краіны. Праект плануецца рэалізоўваць на працягу 2021–2022 гг.

Да 100-годдзя Нацыянальнай бібліятэкі Беларусі

Песня аб райскім жыцці: інсітнае мастацтва Алены Кіш

21 Сту 2021

У 2021 годзе спаўняецца 125 гадоў самабытнай мастачцы, унікальнаму майстру, прадстаўніцы наіўнага мастацтва Алене Кіш. Яна з’яўляецца стваральнікам унікальнага выяўленчага жанру аўтарскага размаляванага дывана.

Па старонках беларускага календара

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

Да 90-годдзя бібліёграфа Алены Іосіфаўны Леў, якая прысвяціла трыццаць два гады развіццю бібліятэчнай справы

21 Сту 2021

Увесь калектыў Нацыянальнай бібліятэкі Беларусі сардэчна віншуе Алену Іосіфаўну з юбілеем і жадае ёй моцнага здароўя, невычэрпнай энергіі і сіл, радасці, шчасця і дабрабыту.

Партрэты: гісторыя бібліятэкі ў асобах

Бібліятэкарам
111