З 1 лістапада па 31 снежня ў зале прававой інфармацыі (пам. 207b) адкрыта выстаўка “Процідзеянне карупцыі: заканадаўства, вопыт, праблемы”, прысвечаная Міжнароднаму дню барацьбы з карупцыяй.
Апошнія дзесяцігоддзі праблема карупцыі ў свеце становіцца надзвычай актуальнай. Гэта звязана з разнастайнасцю яе наступстваў. Акрамя прамога ўплыву на эканамічныя працэсы, карупцыя мае выхад у сацыяльна-палітычную прастору. Карупцыя падрывае давер грамадзян да дзяржаўнай улады, разбурае легітымнасць дзяржаўных інстытутаў, перашкаджае правядзенню неабходных пераўтварэнняў, павышае сацыяльную напружанасць, узмацняе пагрозу тэрарызму і экстрэмізму, спрыяе падзенню прэстыжу краіны ў сусветнай супольнасці. Яна пагражае вяршэнству закона, парушае прынцыпы роўнасці і сацыяльнай справядлівасці, ускладняе эканамічнае развіццё дзяржаў.
Ніводная краіна ў свеце не мае імунітэту супраць карупцыі, таму сусветная супольнасць выпрацоўвае міжнародныя дакументы, якія перашкаджаюць яе распаўсюджванню: Арганізацыі Аб’яднаных Нацый “Супраць карупцыі”, Канвенцыя Савета Еўропы “Аб крымінальнай адказнасці за карупцыю (ETS № 173)”, Канвенцыя ААН “Супраць транснацыянальнай арганізаванай злачыннасці”, Дэкларацыя ААН “Аб барацьбе з карупцыяй і хабарніцтвам у міжнародных камерцыйных аперацыях”, "Аб барацьбе з карупцыяй", "Аб барацьбе з арганізаванай злачыннасцю", "Аб мерах па прадухіленні легалізацыі прыбыткаў, атрыманых злачынным шляхам, і фінансаванні тэрарыстычнай дзейнасці" і інш. Праводзяцца антыкарупцыйныя мерапрыемствы, якія сталі прадметам пільнай увагі ўрада рэспублікі, рэгіянальных улад, органаў мясцовага самакіравання, сілавых ведамстваў.
Аднак у барацьбе з карупцыяй патрабуюцца намаганні не толькі структур улады, але і перш за ўсё саміх грамадзян. Толькі сумеснымі намаганнямі, усвядомлена змяніўшы сваё стаўленне да карупцыі, мы ў найбліжэйшай будучыні зможам не толькі актыўна процістаяць ёй, але і выкараніць гэты небяспечны для грамадства і дзяржавы недахоп.
Прапанаваная чытачам выстаўка налічвае каля 60 дакументаў.
Экспазіцыя ўключае наступныя тэматычныя раздзелы:
- Міжнародна-прававыя асновы барацьбы з карупцыяй.
- Прававыя праблемы процідзеяння карупцыі ў Рэспубліцы Беларусь.
- Прафілактыкі карупцыйных правапарушэнняў у розных дзяржаўных сферах.
- Вопыт замежных краін у процідзеянні карупцыі.
Кантактны тэлефон: (8 017) 293 27 28.