З 4 красавіка да 31 снежня ў бібліятэцы (3-ці паверх, кальцавы калідор) размешчана выстаўка “Прыгажосць у кніжнай вокладцы”.
У любую эпоху кніга з’яўляецца сімвалам асветы, адлюстраваннем часу і культуры, эпохі і стылю. На працягу многіх стагоддзяў кніга была не толькі сродкам перадачы інфармацыі, але і прадметам, які прадстаўляе гістарычную і мастацкую каштоўнасць. Яна ўвасабляе ўнікальнае злучэнне слова і вобраза – працу пісьменніка і мастака.
Кніга пачынае сваё жыццё не з першым экзэмплярам, які выходзіць са сцен друкарні, а значна раней. Сапраўдны пачатак яе жыцця варта адлічваць з таго часу, калі рукапіс літаратурна закончанага твора паступае на мастацка-тэхнічнае і паліграфічнае афармленне. Менавіта з гэтага моманту рукапіс перажывае шэраг ператварэнняў, дзякуючы якім набывае новую своеасаблівую спецыфічную форму – становіцца кнігай. Нараджаецца агульная задумка афармлення, вызначаецца фармат выдання, гарнітура і кегель шрыфту, колькасць ілюстрацый і тэхніка іх выканання, сістэма дэкарыравання, віды і гатункі паперы, кардона, тканін і іншых матэрыялаў.
На кніжнай выстаўцы “Прыгажосць у кніжнай вокладцы” прадстаўлена каля 100 узораў кніжнага мастацтва, выдадзеных у XIX–XXI стст. Экспазіцыя раскажа пра тое, як дэкарыравалі кнігі на працягу гэтага перыяду, якія выкарыстоўваліся шрыфты, як афармляліся вокладкі, тарэц, абрэз кніжнага блока, як ілюстраваліся кнігі ў гэты час.
Цікава будзе азнаёміцца з кнігай “Les contes de Perrault”, выдадзенай у Парыжы ў 1867 г. і ўпрыгожанай работамі французскага гравёра, ілюстратара і жывапісца Гюстава Дарэ.
Асобныя раздзелы выстаўкі прысвечаны розным стылям афармлення вокладкі, карашка, форзаца, абрэза кніжнага блока, тытульнага ліста.
На выстаўцы прадстаўлена кніга з экслібрысам графа Шарамецьева, выкананым мастаком Лізаветай Бём.
Сярод кніг у раздзеле, прысвечаным мастацтву ілюстрацыі, прывабіць асобную ўвагу выданне “Histoire de Mr. Crepin”, якое з’явілася ў Парыжы ў 1845 годзе. Кнігу стварыў знакаміты швейцарскі дызайнер Рудольф Топфер.
Сцвярджэнне, што кніга – прадмет мастацтва, прынята ў Рэспубліцы Беларусь на дзяржаўным ўзроўні. Доказам гэтаму можа служыць правядзенне штогадовага Нацыянальнага конкурсу «Мастацтва кнігі». Некаторыя выданні – прызёры гэтага конкурсу таксама будуць прадстаўлены ў экспазіцыі.
Кантактны тэлефон: (8 017) 293 28 86.
 |
 |
 |
 |
 |
 |
 |
 |
 |
 |
 |
 |
