ГалоўнаяНавіныКніжныя выстаўкі
У бібліятэцы абмеркавалі гісторыю і станаўленне старабеларускай літаратуры
У Нацыянальнай бібліятэцы “Беларускі салавей” загучаў па-новаму

Вялікі космас у малым фармаце: у Нацыянальнай бібліятэцы адкрылася выстава “Разцовая гравюра: Лембіт Лыхмус і венская школа”

Вялікі космас у малым фармаце: у Нацыянальнай бібліятэцы адкрылася выстава “Разцовая гравюра: Лембіт Лыхмус і венская школа”
Іншыя навіны

Разцовая гравюра выкарыстоўвалася графікамі з XV ст., а ў канцы XVI – XVIII ст. мела пашырэнне ў Беларусі. Цяпер яна ўвасобілася ў графіцы малых форм – экслібрысах.

Прыватная калекцыя сучасных экслібрысаў бібліяфіла Алега Судлянкова – сапраўдны скарб. Большасць з іх – экслібрысы майстроў, імёны якіх цяпер добра вядомыя ў коле прафесіяналаў. Гэта Лембіт Лыхмус, Альфрэд Косман, Ханс Ранзоні, Георг Вімер, Херберт Тоні Шымек, Х’юберт Войці-Вімер, Вернер Пфайлер, Фрыдрых Тойбель.

18 студзеня ў бібліятэцы адбылося адкрыццё выставы “Разцовая гравюра: Лембіт Лыхмус і венская школа”.

Lychmus-1.jpg

З прывітальным словам да прысутных звярнуўся намеснік генеральнага дырэктара Нацыянальнай бібліятэкі Беларусі Аляксандр Суша. Ён адзначыў, што тэхніка разцовай гравюры адыграла выключную ролю ў гісторыі кніжнай культуры і выяўленчага мастацтва не толькі Беларусі, але і ўсяго свету і нам ёсць чым сёння ганарыцца. Таксама ён дадаў, што праект, які ажыццявілі супрацоўнікі бібліятэкі з Алегам Судлянковым, паслужыць глебай для развіцця мастацтва гравюры для маладых мастакоў, а працы, прадстаўленыя на выставе, будуць іх натхняць на далейшую творчасць.

Юрый Хілько, загадчык кафедры графікі Беларускай дзяржаўнай акадэміі мастацтваў, падкрэсліў надзвычай высокі прафесіяналізм мастакоў, чые работы прадстаўлены ў экспазіцыі, і тое, што яны змясцілі вялікі космас у малым фармаце экслібрыса.

Беларускі мастак-графік Віктар Саўчанка распавёў, што Лембіт Лыхмус – таленавіты чалавек вялікай душы і сучасны мастак унікальнага майстэрства. А яго настаўнікі з Венскай школы ў малым фармаце прадэманстравалі вялікія магчымасці.

Напрыканцы мерапрыемства выступіў бібліяфіл, ініцыятар выставы і ўладальнік калекцыі, сябра Лембіта Лыхмуса Алег Судлянкоў. Ён распавёў пра складаную тэхніку гравіроўкі (на скураной падушачцы круціцца медная пласціна, на якой выразаецца выява) і дадаў, што сам Лембіт Лыхмус працуе з мікраскопам.

Экспазіцыю дапаўняюць каштоўныя старадрукі з фонду НББ  з гравюрамі на метале (медзярытамі): “Літургікон” 1692–1695 гг., “Разарыум” 1678 г., “Боская камедыя” Дантэ Аліг’еры 1481 г., “Officia” Марка Тулія Цыцэрона 1531 г.


Выстава “Разцовая гравюра: Лембіт Лыхмус і венская школа” працуе ў музеі кнігі (пам. 347) да 10 красавіка 2022 г.
Дата яе завяршэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 293 27 81, 293 27 79.

Глядзіце рэпартаж тэлеканала "Беларусь 24".

Матэрыял пададзены навукова-даследчым аддзелам кнігазнаўства.

Навіны

Да 125-годдзя з дня нараджэння Юліі Іосіфаўны Бібіла

27 Май 2022

26 мая ў межах святкавання 100-годдзя Нацыянальнай бібліятэкі Беларусі адбылося мерапрыемства, прысвечанае славутаму беларускаму бібліёграфу Юліі Іосіфаўне Бібіла (1897–1974).

Да 100-годдзя Нацыянальнай бібліятэкі Беларусі

Нацыянальная бібліятэка на ХХІІ Узвышаўскіх чытаннях

27 Май 2022

26 мая ў Беларускім дзяржаўным архіве-музеі літаратуры і мастацтва прайшлі ХХІІ Узвышаўскія чытанні “Беларускія пісьменнікі ваеннага пакалення: лёсы і творы”, прымеркаваныя да Года гістарычнай памяці і стагоддзя Дзяржаўнай архіўнай службы Беларусі.

Да 100-годдзя літаб'яднання "Маладняк"

100 рарытэтаў: ад гістарычных кнігазбораў да сучасных арт-кніг

27 Май 2022

26 мая ў музеі кнігі адбылося ўрачыстае адкрыццё выставы “100 рарытэтаў: ад гістарычных кнігазбораў да сучасных арт-кніг”, прысвечанай гісторыі фарміравання фонду Нацыянальнай бібліятэкі Беларусі. У экспазіцыі – найбольш значныя і каштоўныя ўзоры беларускай і сусветнай кніжнай спадчыны, назапашаныя за 100 гадоў.

Кніжныя выстаўкі

Шматлікія ўзоры традыцыйнага народнага мастацтва – у новым выданні “Жывая традыцыя рамёстваў Беларусі”

25 Май 2022

25 мая ў выставачным комплексе Нацыянальнай бібліятэкі, дзе размяшчаецца экспазіцыя “Жывыя крыніцы”, адбылася прэзентацыя кнігі “Жывая традыцыя рамёстваў Беларусі”.

Навіны Нацыянальнай бібліятэкі Беларусі

Знаёмства з Банкам звестак аб гісторыка-культурнай спадчыне Рэспублікі Беларусь

25 Май 2022

23 мая на базе Інстытута павышэння кваліфікацыі і перападрыхтоўкі кадраў Беларускага дзяржаўнага ўніверсітэта культуры і мастацтваў у рамках курса “Актуальныя пытанні аховы матэрыяльнай гісторыка-культурнай спадчыны” прайшла лекцыя пра Банк звестак аб гісторыка-культурнай спадчыне.

Навіны Нацыянальнай бібліятэкі Беларусі

Фотавыстава “Беларусь: цудоўныя імгненні” адкрылася ў Даўгаўпілсе

24 Май 2022

21 мая да 100-годдзя Нацыянальнай бібліятэкі Беларусі ў Цэнтры беларускай культуры ў Даўгаўпілсе адбылося адкрыццё фотавыставы “Беларусь: цудоўныя імгненні”, падрыхтаванай бібліятэкай сумесна з тэлеканалам “Беларусь 24”.

Навіны Нацыянальнай бібліятэкі Беларусі

Асоба і спадчына Язэпа Пушчы: сучаснае прачытанне

23 Май 2022

20 мая ў Нацыянальнай бібліятэцы Беларусі адбыўся круглы стол “Адысея Язэпа Пушчы”, прымеркаваны да 120-годдзя з дня нараджэння беларускага пісьменніка, сябра літаратурнага аб’яднання “Маладняк”.

Да 100-годдзя літаб'яднання "Маладняк"

“Цікава пачытаць”: кніга “Эвристические сказки. Обучение через открытие. Приключения Лисёнка и его друзей”

23 Май 2022

21 мая ў дзіцячым пакоі прайшлі заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Навіны Нацыянальнай бібліятэкі Беларусі

Бібліятэкарам