З 5 студзеня па 1 лютага ў зале дакументаў міжнародных арганізацый (пам. 207g) адкрыта тэматычная кніжная выстаўка “ЮНІДА: 45 гадоў развіцця і супрацоўніцтва”, прысвечаная 45-годдзю стварэння Арганізацыі Аб'яднаных Нацый па прамысловым развіцці (ЮНІДА).
Арганізацыя Аб’яднаных Нацый па прамысловым развіцці (ЮНІДА) была створана 17 лістапада 1966 года ў адпаведнасці з рашэннем Генеральнай Асамблеі ААН (рэзалюцыя 21/52 (XXI)).
Прызнаўшы, што прамысловасць адыгрывае вырашальную ролю ў забеспячэнні эканамічнага развіцця і дабрабыту грамадства, асамблея ўсклала на ЮНІДА ролю цэнтральнага каардынуючага органа ў галіне прамысловай дзейнасці ў рамках сістэмы Арганізацыі Аб’яднаных Нацый. Перад арганізацыяй была таксама пастаўлена задача садзейнічаць прамысловаму развіццю і міжнароднаму прамысловаму супрацоўніцтву на глабальным, рэгіянальным і нацыянальным узроўнях.
У 1985 годзе ЮНІДА стала шаснаццатай па ліку спецыялізаванай установай Арганізацыі Аб’яднаных Нацый. У супрацоўніцтве са 174 дзяржавамі-членамі і абапіраючыся на свой больш за 40-гадовы вопыт, арганізацыя мае ўнікальную магчымасць забяспечваць усёабдымныя і комплексныя пакеты паслуг, спалучаючы аператыўную дзейнасць з аналітычнай і норматворчай роляй як на глабальным, так і на мясцовым узроўні.
Асноўныя мэты ЮНІДА – садзейнічанне прамысловаму росту і тэхналагічнаму прагрэсу, найбольш эфектыўнае выкарыстанне чалавечых рэсурсаў, справядлівае развіццё на аснове індустрыялізацыі, прамысловае развіццё і ахова навакольнага асяроддзя, міжнароднае супрацоўніцтва ў галіне прамысловых інвестыцый і тэхналогій.
Работа Арганізацыі Аб’яднаных Нацый па прамысловым развіцці ажыццяўляецца ў трох асноўных формах. ЮНІДА працуе як цэнтр па прамысловых тэхналогіях, які каардынуе, аказвае пасрэдніцтва ў сферы прамысловага супрацоўніцтва і вядзе збор і сістэматызацыю інфармацыі па прамысловых пытаннях.
Рэспубліка Беларусь удзельнічае ў дзейнасці Арганізацыі Аб’яднаных Нацый па прамысловым развіцці з 1985 года. Узаемадзеянне з ЮНІДА накіравана на рашэнне нацыянальных задач палітычнага і эканамічнага характару.
У рамках блока палітычных задач Рэспубліка Беларусь бярэ актыўны ўдзел у рабоце галоўных і рабочых органаў ЮНІДА – Генеральнай канферэнцыі, Савета па прамысловым развіцці і Камітэта па бюджэтных і праграмных пытаннях. У рамках блока эканамічных задач намаганні Беларусі накіраваны на выкананне праектаў міжнароднай тэхнічнай дапамогі і пашырэнне праграмнай дзейнасці арганізацыі ў краіне.
Найбольш паспяховым з’яўляецца праект “Удасканаленне інфраструктуры падтрымкі інавацыйнай дзейнасці ў Рэспубліцы Беларусь”, рэалізаваны ў 2001–2004 гадах. У выніку рэалізацыі праекта значна палепшана інфраструктура падтрымкі інавацыйнай дзейнасці і трансфера тэхналогій у Рэспубліцы Беларусь. У 2006–2009 гадах у Беларусі быў рэалізаваны праект ЮНІДА “Удасканаленне нацыянальнай сістэмы трансфера тэхналогій у Рэспубліку Беларусь на аснове інфармацыйна-камунікацыйных тэхналогій”. Галоўная мэта праекта – развіццё нацыянальнай сістэмы трансфера тэхналогій, удасканаленне прававога асяроддзя, укараненне інфармацыйна-камунікацыйных тэхналогій, развіццё інфраструктуры інавацыйнага прадпрымальніцтва.
Прапанаваная чытачам выстаўка налічвае больш за 60 дакументаў. Вялікую частку экспазіцыі складаюць дакументы ЮНІДА на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Экспазіцыя ўключае наступныя тэматычныя раздзелы:
- Гісторыя стварэння, мэты і функцыі ЮНІДА.
- Асноўныя напрамкі дзейнасці ЮНІДА.
- ЮНІДА і міжнароднае прамысловае супрацоўніцтва.
- Дзейнасць ЮНІДА ў Рэспубліцы Беларусь.
Выстаўка будзе цікавая студэнтам, магістрантам, выкладчыкам эканамічных дысцыплін, палітычным і грамадскім дзеячам, спецыялістам у галіне прамысловай вытворчасці і сусветнай эканомікі, міжнароднага права, сусветнай палітыкі і міжнародных адносін.
Карысныя спасылкі
- Дзейнасць ААН у галіне прамысловага развіцця
- Прамысловасць і ўстойлівае развіццё
- Афіцыйны сайт Цэнтра міжнароднага прамысловага супрацоўніцтва ЮНІДА ў Расійскай Федэрацыі
- Афіцыйны сайт ЮНІДА (англ.)
- Міжнародныя праграмы Unido
Асноўныя дакументы
Правілы працэдуры
- Генеральная канфэрэнцыя
- Савет па прамысловым развіцці
- Камітэт па праграмных і бюджэтных пытаннях
- Пагадненне паміж ААН і ЮНІДА