ГалоўнаяНавіныКніжныя выстаўкі
Прававое рэгуляванне сямейных адносін
Лакавы вернісаж

ЮНІДА: 50 гадоў развіцця і супрацоўніцтва

ЮНІДА: 50  гадоў развіцця і супрацоўніцтва
Іншыя навіны

З 5 па 31 студзеня ў зале дакументаў міжнародных арганізацый (пам. 207g) адкрыта выстаўка “ЮНІДА: 50 гадоў развіцця і супрацоўніцтва”, прысвечаная 50-годдзю ўтварэння Арганізацыі Аб'яднаных Нацый па прамысловым развіцці.


Арганізацыя Аб’яднаных Нацый па прамысловым развіцці (ЮНІДА) – спецыялізаваная ўстанова Арганізацыі Аб’яднаных Нацый, упаўнаважаная садзейнічаць прамысловаму развіццю і міжнароднаму прамысловаму супрацоўніцтву.

ЮНІДА была ўтворана 17 лістапада 1966 года ў адпаведнасці з рашэннем Генеральнай Асамблеі ААН (рэзалюцыя A/RES/2152(XXI)). Арганізацыя ўключае 170 дзяржаў-членаў і мае сетку з 29 рэгіянальных і краінавых аддзяленняў па ўсім свеце. З чэрвеня 2013 года генеральным дырэктарам ЮНІДА з’яўляецца Лі Ёнг (LI Yong). Штаб кватэра арганізацыі знаходзіцца ў Вене.

На пятнаццатай сесіі генеральнай канферэнцыі ЮНІДА ў 2013 годзе, была прынята Лімская дэкларацыя, якая абвясціла новую мэту ЮНІДА: Усеагульнае ўстойлівае прамысловае развіццё (ISID) у краінах, якія развіваюцца, і краінах з пераходнай эканомікай. У верасні 2015 года на Саміце ААН па ўстойлівым развіцці быў прыняты парадак дня ў галіне развіцця на перыяд пасля 2015 года, які змяшчае 17 Мэт устойлівага развіцця. Погляд ЮНІДА на ўсеагульнае устойлівае прамысловае развіццё (ISID) атрымаў адлюстраванне ў 9-й мэце “Стварэнне трывалай інфраструктуры, садзейнічанне забеспячэнню ўсеагульнай і ўстойлівай індустрыялізацыі і ўкараненню інавацый”.

ISID засноўваецца на трох прынцыпах: дасягненне ўсеагульнага росквіту, развіццё эканамічнай канкурэнтаздольнасці і ахова навакольнага асяроддзя. Гэтыя прынцыпы ляжаць у аснове ўсіх кірункаў дзейнасці ЮНІДА, у тым ліку ў галіне тэхнічнага супрацоўніцтва, аналітычных і дырэктыўных кансультатыўных паслуг, нарматворчасці і прававой адпаведнасці, распаўсюджвання ведаў і вопыту. На сённяшні дзень арганізацыя прызнана значным, спецыялізаваным і эфектыўным пастаўшчыком неабходных паслуг для рашэння ўзаемазвязаных задач па дасягненні грамадскага дабрабыту пасродкам вытворчай дзейнасці, інтэграцыі ў сусветны гандаль краін, якія развіваюцца, праз рост іх эканамічнага і гандлёвага патэнцыялу, павышэнне экалагічнай устойлівасці ў прамысловасці і павелічэнне магчымасцей доступу да энергіі.

Рэспубліка Беларусь удзельнічае ў дзейнасці ЮНІДА з 1985 года. Супрацоўніцтва накіравана на рашэнне нацыянальных задач палітычнага і эканамічнага характару.

У рамках блока палітычных задач Беларусь прымае актыўны ўдзел у рабоце дырэктыўных органаў ЮНІДА – генеральнай канферэнцыі, Савета па прамысловым развіцці і Камітэта па бюджэтных і праграмных пытаннях.

На пляцоўцы ЮНІДА прасоўваецца адна з ініцыятыў нашай краіны па стварэнні ў рамках ААН механізму доступу да альтэрнатыўных і аднаўляльных крыніц энергіі. Рэалізуецца Рамачная праграма супрацоўніцтва паміж Урадам Рэспублікі Беларусь і ЮНІДА на 2013–2017 гады, якая ўключае шэраг сумесных праектаў па мадэрнізацыі прамысловых прадпрыемстваў, павышэнні канкурэнтаздольнасці прадукцыі і развіцці навукова-тэхнічнай сферы. Прынята рашэнне аб стварэнні Цэнтра міжнароднага прамысловага супрацоўніцтва ЮНІДА ў Рэспубліцы Беларусь, асноўнай задачай якога стане падтрымка намаганняў урада па павышэнні канкурэнтаздольнасці прамысловых прадпрыемстваў праз аказанне ім тэхнічнай дапамогі.

Прапанаваная чытачам выстаўка налічвае звыш 60 экспанатаў. Вялікую частку экспазіцыі складаюць дакументы ЮНІДА на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.

Экспазіцыя ўключае наступныя тэматычныя раздзелы:

  • Гісторыя стварэння, мэты і функцыі ЮНІДА.
  • Асноўныя кірункі дзейнасці ЮНІДА.
  • ЮНІДА і міжнароднае прамысловае супрацоўніцтва.
  • Дзейнасць ЮНІДА у Рэспубліцы Беларусь.

Выстаўка будзе цікавая студэнтам, магістрантам, выкладчыкам эканамічных дысцыплін, палітычным і грамадскім дзеячам, спецыялістам у галіне прамысловай вытворчасці і сусветнай эканомікі, міжнароднага права, сусветнай палітыкі і міжнародных адносін.

Кантактны тэлефон: (8 017) 293 27 26.

   

Карысныя спасылкі

Дакументы і публікацыі

Навіны

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Бібліятэкарам
111