ГалоўнаяНавіныКніжныя выстаўкі
Вера Вярба і жаночы сусвет яе паэзіі
Неверагодная гісторыя клічніка!

З душою, поўнай сонца

З душою, поўнай сонца
Іншыя навіны

З 14 студзеня па 9 лютага ў зале дакументаў па мастацтве (пам. 306) праходзіць кніжна-ілюстрацыйная выстава “З душою, поўнай сонца”, прысвечаная 190-годдзю з дня нараджэння французскага жывапісца Эдуарда Мане (1832–1883).

Сярод бліскучых майстроў французскага мастацтва ХІХ стагоддзя Эдуард Мане займае адно з першых месцаў. Яго каларыстычныя адкрыцці, новае разуменне прынцыпаў у жывапісе аказалі вырашальнае ўздзеянне на цэлае пакаленне мастакоў, якія абралі прынцып спыненага імгнення. Мане стаў натхняльнікам і папярэднікам імпрэсіянізму. Ён дзіўным чынам звязаў дзве эпохі сусветнага жывапісу: не адмаўляючы класічных традыцый, паклаў пачатак мастацтву Навейшага часу.

Наватарскія элементы Эдуарда Мане выклікалі абурэнне прадстаўнікоў акадэмічнай школы. Экспазіцыя распавядае пра цяжкі творчы шлях мастака, на якім майстар зазнаў жорсткую крытыку і змагаўся з неразуменнем блізкага акружэння. Дэманструюцца рэпрадукцыі знакамітых карцін “Сняданак на траве” і “Алімпія”, выстаўленых жывапісцам у “Салоне адрынутых”, якія сталі прычынай скандальнага абурэння публікі.

Мастацкая адоранасць Мане падахвочвала яго заўсёды і паўсюль шукаць сюжэты для сваіх жывапісных работ. Гэта вызначыла шырокі тэматычны дыяпазон яго твораў. На выставе прадстаўлены нацюрморты, партрэты, пейзажы, на якіх адлюстравана індывідуальная непаўторнасць кожнай з’явы. Партрэтны жывапіс, які пераплятаецца з бытавым жанрам, быў адным з галоўных напрамкаў творчасці майстра. Увагу наведвальнікаў прыцягне знакаміты “Флейтыст”, які стаў адной з вялікіх творчых удач мастака. Лепшыя якасці мастацтва Мане з гранічнай дасканаласцю ўвасобіліся ў карціне “Бар у Фалі Бержэр”. Рэпрадукцыя шэдэўра з выявай мілавіднай дзяўчыны за стойкай бара завяршае экспазіцыю.

Усяго на выставе прадстаўлена каля 60 дакументаў. Гэта кнігі, альбомы, паштоўкі і рэпрадукцыі, якія адкрываюць гледачу маштабы творчай асобы Мане.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Навіны

Знаёмства з Банкам звестак аб гісторыка-культурнай спадчыне Рэспублікі Беларусь

25 Май 2022

23 мая на базе Інстытута павышэння кваліфікацыі і перападрыхтоўкі кадраў Беларускага дзяржаўнага ўніверсітэта культуры і мастацтваў у рамках курса “Актуальныя пытанні аховы матэрыяльнай гісторыка-культурнай спадчыны” прайшла лекцыя пра Банк звестак аб гісторыка-культурнай спадчыне.

Навіны Нацыянальнай бібліятэкі Беларусі

Фотавыстава “Беларусь: цудоўныя імгненні” адкрылася ў Даўгаўпілсе

24 Май 2022

21 мая да 100-годдзя Нацыянальнай бібліятэкі Беларусі ў Цэнтры беларускай культуры ў Даўгаўпілсе адбылося адкрыццё фотавыставы “Беларусь: цудоўныя імгненні”, падрыхтаванай бібліятэкай сумесна з тэлеканалам “Беларусь 24”.

Навіны Нацыянальнай бібліятэкі Беларусі

Да 125-годдзя з дня нараджэння вядомага беларускага бібліёграфа Юліі Іосіфаўны Бібіла

25 Май 2022

26 мая а 15-й гадзіне адбудзецца мерапрыемства, прымеркаванае да 100-годдзя Нацыянальнай бібліятэкі Беларусі і юбілею з дня нараджэння аднаго з найбольш яркіх яе прадстаўнікоў Ю.І. Бібіла (1897–1974).

Да 100-годдзя Нацыянальнай бібліятэкі Беларусі

Асоба і спадчына Язэпа Пушчы: сучаснае прачытанне

23 Май 2022

20 мая ў Нацыянальнай бібліятэцы Беларусі адбыўся круглы стол “Адысея Язэпа Пушчы”, прымеркаваны да 120-годдзя з дня нараджэння беларускага пісьменніка, сябра літаратурнага аб’яднання “Маладняк”.

Да 100-годдзя літаб'яднання "Маладняк"

“Цікава пачытаць”: кніга “Эвристические сказки. Обучение через открытие. Приключения Лисёнка и его друзей”

23 Май 2022

21 мая ў дзіцячым пакоі прайшлі заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Навіны Нацыянальнай бібліятэкі Беларусі

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Яе называлі беларускім Траццяковым

22 Май 2022

22 мая спаўняецца 115 гадоў з дня нараджэння Алены Васільеўны Аладавай (1907–1986), заслужанага дзеяча мастацтваў БССР, даследчыка, збіральніка, захавальніка і прапагандыста высокіх духоўных каштоўнасцей, якая трэць стагоддзя ўзначальвала галоўны мастацкі музей нашай краіны.

Па старонках беларускага календара

Бібліятэкарам