З 9 лістапада па 4 снежня ў зале дакументаў міжнародных арганізацый (пам. 207g) адкрыта выстаўка “Жанчына: роўнасць, годнасць, свабода і бяспека”, прысвечаная Міжнароднаму дню барацьбы за ліквідацыю насілля ў дачыненні да жанчын.
Гэты Дзень быў абвешчаны Генеральнай Асамблеяй ААН 17 снежня 1999 года (рэзалюцыя 54/134) і штогод адзначаецца 25 лістапада.
Гістарычнай перадумовай Дня стала падзея, якая адбылася ў Дамініканскай Рэспубліцы 25 лістапада 1960 года: па загадзе дамініканскага кіраўніка Рафаэля Трухільё былі па-зверску забіты палітычныя актывісткі – сёстры Мірабал.
Насілле ў дачыненні да жанчын распаўсюджана паўсюль у свеце і ўласціва ўсім грамадствам і культурам, незалежна ад іх расы, этнічнай прыналежнасці, сацыяльнага становішча, дастатку, паходжання або любых іншых акалічнасцей. Яно караніцца ў няроўнасці ў адносінах паміж мужчынамі і жанчынамі, якая склалася гістарычна, а таксама ў бесперапыннай дыскрымінацыі.
Насілле – гэта складаная з’ява, якая вылучаецца разнастайнасцю сваіх форм і праяўленняў. Яно выяўляецца ў фізічнай, сексуальнай, псіхалагічнай і эканамічнай формах. Гэтыя формы ўзаемазвязаны, іх уплыў на жыццё жанчын пачынаецца з іх нараджэння і працягваецца да глыбокай старасці. Па меншай меры кожная трэцяя жанчына ў свеце на працягу свайго жыцця пацярпела пабоі, прымушэнне да сексу або якія-небудзь іншыя формы жорсткага стаўлення з боку, як правіла, блізкага ёй чалавека. Кожная пятая жанчына ў свеце на працягу свайго жыцця становіцца ахвярай сексуальнага гвалту або спробы згвалтавання. Штогод ад 500 тысяч да 3 мільёнаў чалавек, у асноўным жанчыны і дзеці, становяцца ахвярамі гандлю людзьмі і прымушаюцца займацца прастытуцыяй, прымусовай працай або трапляюць у рабства або паднявольны стан.
Ва ўсім свеце жанчыны з’яўляюцца той сілай, якая змацоўвае сем’і, абшчыны і нацыі. Насілле адносна жанчын з’яўляецца абуральным парушэннем праў чалавека і нясе велізарныя сацыяльныя і эканамічныя выдаткі. Яно з’яўляецца сур’ёзнай пагрозай для дасягнення міжнародна-ўзгодненых мэт у галіне развіцця.
Для ліквідацыі насілля патрабуюцца комплексныя і сістэматычныя намаганні дзяржаў, міжнародных арганізацый і ўсіх зацікаўленых бакоў. Усведамляючы важнасць гэтай праблемы, у лютым 2008 года Генеральны сакратар ААН Пан Гі Мун абвясціў аб пачатку правядзення кампаніі “Разам пакончым з насіллем у адносінах да жанчын”, накіраванай на распрацоўку і прыняцце пэўных мер па прадухіленні і выкараненні насілля ў дачыненні да жанчын і дзяўчынак ва ўсім свеце. Гэта кампанія, якая праводзіцца ў перыяд 2008–2015 гадоў, заклікана мабілізаваць грамадскую думку на тое, каб работа над папярэджаннем і выкараненнем насілля адносна жанчын вялася на самым высокім палітычным узроўні.
Прапанаваныя ўвазе чытачоў і наведвальнікаў бібліятэкі матэрыялы выстаўкі раскрываюць шматгранную дзейнасць ААН, іншых міжнародных арганізацый, жаночых рухаў і аб’яднанняў, накіраваную на тое, каб насілле ў адносінах да жанчын перастала быць прыватнай справай і стала пытаннем дзяржаўнага значэння.
У экспазіцыі прадстаўлена больш за 60 дакументаў на рускай і англійскай мовах: кнігі, перыядычныя выданні, мімеаграфаваныя матэрыялы ААН (мастхед), брашуры, буклеты.
Выстаўка складаецца з наступных раздзелаў:
- Міжнародныя прававыя дакументы, накіраваныя на ліквідацыю насілля ў дачыненні да жанчын;
- Шляхі рашэння праблем насілля ў адносінах да жанчын у Рэспубліцы Беларусь;
- Меры па папярэджанні і спыненні насілля адносна жанчын у сям’і;
- Жанчына і ўзброеныя канфлікты;
- Жанчына як тавар – праблема гандлю людзьмі;
- Сацыяльная няроўнасць і гендарная дыскрымінацыя.
Выстаўка будзе цікавая студэнтам, выкладчыкам, сацыяльным педагогам, псіхолагам, спецыялістам у сферы процідзеяння гандлю людзьмі, актывістам праваабарончых і няўрадавых арганізацый.
Карысныя спасылкі:
- Фонд ААН для развіцця ў інтарэсах жанчын* (ЮНІФЕМ)
- Міжнародны вучэбны і навукова-даследчы інстытут па паляпшэнні становішча жанчын (МВНІПСЖ)
- Камісія па становішчы жанчын
- Канцылярыя спецыяльнага саветніка Генеральнага сакратара па гендарных пытаннях і паляпшэнні становішча жанчын*
- Аддзел па паляпшэнні становішча жанчын*
- Дзейнасць ААН па паляпшэнні становішча жанчын
- ААН працуе над паляпшэннем становішча жанчын
- Жанчыны, мір і бяспека
- Дапаможнік для парламентарыяў: Канвенцыя аб ліквідацыі ўсіх форм дыскрымінацыі ў адносінах да жанчын і Факультатыўны пратакол да яго
- Агляд уліку гендарнай праблематыкі
- Жанчыны змагаюцца за роўнасць, сям’ю і мір
- Сесія Камісіі па становішчы жанчын [Пекін+10] (Нью-Ёрк, 28 лютага – 11 сакавіка 2005 года)
- Спецыяльная сесія Генеральнай Асамблеі [Пекін+5] (Нью-Ёрк, 5–9 чэрвеня 2000 года)
- Чацвёртая сусветная канферэнцыя па становішчы жанчын (Пекін, 4–15 верасня 1995 года)
Дакументы
- Рэзалюцыі Генеральнай Асамблеі
- Рэзалюцыі Савета Бяспекі
- Рэзалюцыі ЭКАСАС
- Даклады Генеральнага сакратара
Дэкларацыі, канвенцыі і пагадненні
- Тыпавыя стратэгіі і практычныя меры па выкараненні насілля ў адносінах да жанчын у галіне папярэджвання злачыннасці і крымінальнага правасуддзя (1997 год)
- Дэкларацыя аб выкараненні насілля ў адносінах да жанчын (1993 год)
- Канвенцыя аб ліквідацыі ўсіх форм дыскрымінацыі ў адносінах да жанчын (1979 год) (гл. таксама Факультатыўны пратакол)
Дадатковыя дакументы