ГалоўнаяНавіныКніжныя выстаўкі
Кветкавы рай VI
Беларуская кніга на Вільнюскім кніжным кірмашы

Жанчыны: роўныя правы, роўныя магчымасці

Жанчыны: роўныя правы, роўныя магчымасці
Іншыя навіны

З 6 сакавіка па 2 красавіка ў аддзеле абслугоўвання афіцыйнымі дакументамі (пам. 207) дэманструецца выстаўка “Жанчыны: роўныя правы, роўныя магчымасці”, прысвечаная Міжнароднаму жаночаму дню.


Гэты Дзень быў абвешчаны Генеральнай Асамблеяй ААН у снежні 1977 года (рэзалюцыя A/RES/32/142) і штогод адзначаецца 8 сакавіка.

Міжнародны жаночы дзень, або Міжнародны дзень барацьбы за правы жанчын і міжнародны мір ААН – гэта свята, якое шырока адзначаюць ва ўсім свеце як дзень міжнароднай салідарнасці жанчын у барацьбе за эканамічнае, сацыяльнае і палітычнае раўнапраўе. У некаторых краінах гэты Дзень з’яўляецца нацыянальным святам.

Для жанчын усяго свету гэта яшчэ адна падстава, каб ацаніць, наколькі далёка наперад яны рушылі ў сваёй барацьбе за роўнасць, мір і развіццё. На працягу апошніх дзесяцігоддзяў дасягнуты значны прагрэс. На сённяшнім этапе прыкладаў прагрэсу – мноства, у значнай ступені ён дасягнуты дзякуючы рашучым намаганням міжнародных арганізацый і грамадзянскага супольніцтва. Так, паўсюдна ў свеце павялічыўся доступ жанчын да адукацыі і якаснай аховы здароўя, узрос іх удзел у аплачваемай працы, стаў больш верагодным удзел жанчын у кіраванні бізнесам, у дзяржаўным кіраванні, а таксама ў працэсе сацыяльнага развіцця. Акрамя таго, у многіх краінах прыняты законы, якія гарантуюць жанчынам роўныя магчымасці і павагу да іх праў.

Тым не менш, зрабіць давядзецца яшчэ нямала. Усё гэтак жа празмерна высокі паказчык мацярынскай смяротнасці, занадта мала жанчын у свеце маюць доступ да паслуг па планаванні сям’і, востра стаіць праблема насілля супраць жанчын і гендарная дыскрымінацыя. Па дадзеных ААН, большасць з 1,3 мільярда абсалютна немаёмнага насельніцтва ў свеце – жанчыны. У сярэднім жанчыны атрымліваюць на 30–40 % менш, чым мужчыны, за выкананне той жа самай працы. Ва ўсім свеце 603 млн жанчын жывуць у краінах, дзе насілле ў сям’і не лічыцца злачынствам.

Сёння галоўны прынцып, які мабілізуе дзейнасць Арганізацыі Аб’яднаных Нацый, заключаецца ў тым, што ні адно трывалае рашэнне найбольш сур’ёзных сацыяльных, эканамічных і палітычных праблем грамадства не можа быць знойдзена без усебаковага ўдзелу жанчын свету і без прадастаўлення ім усіх праў і магчымасцей. Дасягненне мэты роўнасці паміж мужчынамі і жанчынамі з’яўляецца неад’емным элементам дзейнасці ААН па забеспячэнні гарантаванай і стабільнай будучыні.

Матэрыялы выстаўкі пазнаёмяць чытачоў з гісторыяй стварэння зводу міжнародна-узгодненых стратэгій, стандартаў, праграм і мэт, накіраваных на дасягненне роўнасці паміж мужчынам і жанчынай і закліканых палепшыць становішча жанчын ва ўсім свеце і забяспечыць ім стабільную будучыню.

У экспазіцыі прадстаўлена звыш 100 публікацый ААН, ЮНЕСКА, Савета Еўропы, Еўрапейскага саюза і Сусветнага банка на рускай, англійскай, французскай і нямецкай мовах: кнігі, перыядычныя выданні, брашуры, буклеты, мімеаграфаваныя матэрыялы ААН.

Экспазіцыя змяшчае наступныя тэматычныя раздзелы:

  • Жанчыны свету: гісторыя і сучаснасць.
  • Шматгранная роля жанчын у грамадстве (жанчыны ў палітыцы, эканоміцы, сям’і, культуры).
  • Міжнародныя прававыя дакументы, накіраваныя на паляпшэнне становішча жанчын.
  • Здароўе і адукацыя жанчын.
  • Барацьба за ліквідацыю насілля ў адносінах да жанчын.
  • Гендарныя праблемы роўнасці палоў.
  • Становішча жанчын у Рэспубліцы Беларусь.

Выстаўка будзе цікавай выкладчыкам сацыяльна-палітычных дысцыплін, студэнтам, прававедам, гісторыкам, прадстаўнікам дзяржаўных органаў і няўрадавых арганізацый, а таксама тым, хто цікавіцца пытаннямі гендарнай ідэалогіі і сацыялогіі.

Спіс літаратуры

Карысныя спасылкі

Канцэптуальныя дакументы па правах жанчын

Дзейнасць ААН

Мэты развіцця тысячагоддзя

Канферэнцыі і мерапрыемствы

Навіны

Непаўторная перадваенная вясна фельчара Сашы Траянавай і студэнта Пятра Шапетовіча

19 Кра 2024

16 красавіка для вучняў 9-10 класаў ДУА “Сярэдняя школа № 53 г. Мінска” прайшоў новы бібліяграфічны ўрок “Непаўторная вясна 1940” з цыкла заняткаў “Пастараемся ж і мы быць годнымі іх Вялікай Перамогі”, што рэалізуюцца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі г. Мінска.

Навіны Нацыянальнай бібліятэкі Беларусі

Студэнты МЛУ вывучалі рэсурсы і сэрвісы Нацыянальнай бібліятэкі Беларусі

22 Кра 2024

16 красавіка ў рамках двухбаковага супрацоўніцтва адбыліся трэнінг і прэзентацыя інфармацыйных рэсурсаў і сэрвісаў Нацыянальнай бібліятэкі Беларусі для дзвюх зборных груп студэнтаў розных спецыяльнасцей Мінскага дзяржаўнага лінгвістычнага ўніверсітэта.

Навіны Нацыянальнай бібліятэкі Беларусі

Гімназістам і школьнікам аб маленькіх і дарослых салдатах Вялікай Айчыннай вайны

18 Кра 2024

15 красавіка для навучэнцаў 5–6-х і 9-х класаў сярэдніх школ №№ 24, 153 і гімназіі № 11 г. Мінска прайшлі бібліяграфічныя ўрокі “Брэсцкая крэпасць-герой” (5–6 кл.), “Даведачная літаратура пра Герояў Вялікай Айчыннай вайны” (9 кл.) з цыкла заняткаў “Пастараемся ж і мы быць годнымі іх Вялікай Перамогі”, які рэалізуецца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі г. Мінска.

Навіны Нацыянальнай бібліятэкі Беларусі

Пазнавайце Беларусь разам з намі: Пінск і цюльпанавыя палі

22 Кра 2024

Работнікі Нацыянальнай бібліятэкі Беларусі наведалі адзін з самых старажытных гарадоў Беларусі – Пінск, які з’яўляецца другім па колькасці захаваных помнікаў архітэктуры ў Беларусі.

Навіны Нацыянальнай бібліятэкі Беларусі

Інтэлектуальная ўласнасць: XXI стагоддзе

23 Кра 2024

З 23 красавіка па 28 мая ў зале дакументаў міжнародных арганізацый (пам. 207g) адкрыта тэматычная кніжная выстава “Інтэлектуальная ўласнасць: XXI стагоддзе”, прысвечаная Міжнароднаму дню інтэлектуальнай уласнасці.

Кніжныя выстаўкі

Бібліятэкарам