З 21 лістапада па 5 снежня ў аддзеле абслугоўвання афіцыйнымі дакументамі (пам 207) працуе выстаўка “Жыццё ў гармоніі з прыродай – шлях у будучыню”, прысвечаная Дзесяцігоддзю біяразнастайнасці (2011–2020).
З ініцыятывай правесці Дзесяцігоддзе выступіла Японія на дзясятай нарадзе Канферэнцыі бакоў Канвенцыі аб біялагічнай разнастайнасці. 20 снежня 2010 года на сваёй 65 сесіі Генеральная Асамблея ААН абвясціла 2011–2020 гады Дзесяцігоддзем біяразнастайнасці Арганізацыі Аб’яднаных Нацый (рэзалюцыя A/RES/65/161).
У рэзалюцыі адзначалася важнасць біяразнастайнасці для дасягнення Мэт развіцця тысячагоддзя і падкрэслівалася, што Дзесяцігоддзе біяразнастайнасці аб’яўляецца Арганізацыяй Аб’яднаных Нацый для садзейнічання выкананню канвенцыі і Стратэгічнага плана ў галіне захавання і ўстойлівага выкарыстання біяразнастайнасці на 2011–2020 гады.
Адкрытая для падпісання на Канферэнцыі па навакольным асяроддзі і развіцці ў 1992 годзе ў Рыа-дэ-Жанейра Канвенцыя аб біялагічнай разнастайнасці (КБР) з’яўляецца міжнародным дагаворам у галіне захавання і рацыянальнага выкарыстання запасаў біяразнастайнасці. Канвенцыю падпісалі 193 бакі, што дазваляе казаць пра яе амаль універсальны характар.
У Рэспубліцы Беларусь дакумент ратыфікаваны пастановай Вярхоўнага Савета Рэспублікі Беларусь ад 10.06.93 № 2358-XII “Аб ратыфікацыі Канвенцыі аб біялагічнай разнастайнасці”. Наша дзяржава ўсведамляе важнасць аб’яднання міжнародных намаганняў у рашэнні глабальна значных экалагічных праблем. Перспектыўныя прыярытэтныя напрамкі па выкананні канвенцыі вызначаны ў “Нацыянальнай стратэгіі і Плане дзеянняў па захаванні і ўстойлівым выкарыстанні біялагічнай разнастайнасці Рэспублікі Беларусь”.
Прымаючы рэзалюцыю (A/RES/65/161), Генеральная Асамблея ААН адзначыла, што сярод шматлікіх фактараў, якія перашкаджаюць дасягненню мэт Канвенцыі аб біялагічнай разнастайнасці, найбольш сур’ёзным лічыцца недасведчанасць грамадскасці пра важнае значэнне біяразнастайнасці, што ў сваю чаргу з’яўляецца прычынай нізкай палітычнай прыярытэтнасці пытанняў, звязаных з біяразнастайнасцю. Прыняцце гэтай рэзалюцыі было накіравана на прыцягненне ўвагі сусветнага супольніцтва да існуючай праблемы страты біяразнастайнасці. Асамблея заклікала ахоўваць і рацыянальна выкарыстоўваць прыроду нашай планеты, а таксама аб’яднаць намаганні ў справе захавання яе экасістэм і абароны асабліва каштоўных аб’ектаў прыроды.
На выстаўцы прадстаўлена больш за 100 дакументаў на рускай, англійскай, французскай і нямецкай мовах. Вялікую частку экспазіцыі складаюць дакументы міжнародных арганізацый: кнігі, брашуры, мімеаграфаваныя матэрыялы ААН, перыядычныя выданні, буклеты.
Экспазіцыя ўключае наступныя тэматычныя раздзелы:
- біялагічная разнастайнасць і ўстойлівае развіццё;
- міжнародныя прававыя дакументы па захаванні біяразнастайнасці і навакольнага асяроддзя;
- міжнароднае і рэгіянальнае супрацоўніцтва і ўзаемадзеянне ў галіне захавання біялагічнай разнастайнасці;
- нацыянальныя стратэгіі аховы біялагічнай разнастайнасці і ўстойлівага выкарыстання біялагічных рэсурсаў;
- ахова біялагічнай разнастайнасці ў Рэспубліцы Беларусь;
- змяненне клімату і біялагічная разнастайнасць;
- захаванне біялагічнай разнастайнасці знікаючых відаў флоры і фаўны.
Выстаўка будзе цікавай студэнтам і аспірантам экалагічных, біялагічных і геаграфічных спецыяльнасцей, спецыялістам у галіне прыродакарыстання і аховы навакольнага асяроддзя, навуковым работнікам, а таксама ўсім, хто цікавіцца праблемай захавання біялагічнай разнастайнасці нашай планеты.
Карысныя спасылкі
- Дзесяцігоддзе біяразнастайнасці Арганізацыі Аб’яднаных Нацый* (2011–2020 гг.)
- Праект стратэгіі святкавання Дзесяцігоддзя біяразнастайнасці ААН (2011–2020 гг.)
- Міжнародны дзень Маці-Зямлі (22 красавіка)
- Міжнародны год лясоў* (2011 г.)
- Міжнародны год планеты Зямля (2008 г.)
- Міжнародны год біяразнастайнасці (2010 г.)
- Біялагічная разнастайнасць і ўстойлівае развіццё
- Дзейнасць ААН па біялагічнай разнастайнасці
- Глабальная перспектыва ў галіне біяразнастайнасці (2010 год)
- 60 напрамкаў дзейнасці ААН
- Міжнародны дзень біялагічнай разнастайнасці (22 мая)
- Сусветны дзень навакольнага асяроддзя (5 чэрвеня)
- Дзесяцігоддзе Арганізацыі Аб’еднаных Нацый, прысвечанае пустыням і барацьбе супраць апустыньвання (2010–2020 гг.)
- Знікаючыя віды дзікай прыроды
- Празмернае вылоўліванне рыбы: пагроза біялагічнай разнастайнасці марскога асяроддзя
- Факты пра пустыні і апустыньванні
- Змяненне клімату
- Праграма ААН па навакольным асяроддзі
Дакументы
- Канвенцыя аб біялагічнай разнастайнасці (1992 г.)
- Рэзалюцыі Генеральнай Асамблеі
- Даклады і запіскі Генеральнага сакратара
- Канвенцыя па барацьбе супраць апустыньвання ў тых краінах, якія церпяць сур’ёзную засуху і/або апустыньванне, асабліва ў Афрыцы (1994 г.)
- Пагадненне Арганізацыі Аб’яднаных Нацый аб захаванні трансгранічных рыбных запасаў і запасаў рыб, якія далёка мігрыруюць, і кіраванне імі (1995 г.)
- Базельская канвенцыя аб кантролі за трансгранічнай перавозкай небяспечных адходаў і іх выдаленнем (1989 г.)
- Бонская канвенцыя па захаванні відаў дзікіх жывёл, якія мігрыруюць (1979 г.)
- Канвенцыя аб трансгранічным забруджванні паветра на вялікія адлегласці (1979 г.)
- Канвенцыя аб міжнародным гандлі відамі дзікай флоры і фаўны, якія знаходзяцца пад пагрозай знікнення (1973 г.)
- Захаванне біялагічнай разнастайнасці (Раздзел 15 Парадку дня на XXI стагоддзе)
- Пекінская заява аб барацьбе супраць апустыньвання і садзейнічанні ўстойліваму развіццю і даклад Міжнароднай канферэнцыі па барацьбе супраць апустыньвання (Пекін, 22–24 студзеня 2008 г.)
- Дэкларацыі па навакольным асяроддзі
- Канвенцыі і пагадненні па навакольным асяроддзі