ГалоўнаяНавіныЛітаратурныя гульні, тэсты
Помнік Якубу Коласу паставяць на малой радзіме паэта
“Знаем – намі пройдзеных пуцін не забыць, ня зьнішчыць, не закрэсьліць…”

Класікі-выкладчыкі: пра што можна было даведацца з лекцый сусветна вядомых пісьменнікаў

Класікі-выкладчыкі: пра што можна было даведацца з лекцый сусветна вядомых пісьменнікаў
Іншыя навіны

Каго можна сустрэць часцей – вучонага, які стаў знакамітым пісьменнікам, ці класіка літаратуры, які чытае лекцыі па філасофіі? Так ці інакш, дакладна вядома адно: за ўніверсітэцкай кафедрай аказваліся многія майстры слова. Прапануем прайсці тэст і даведацца, чаму вучылі студэнтаў сусветна вядомыя пісьменнікі пачынаючы з XIX стагоддзя.

Праверыць сябе можна, націснуўшы на карцінку.



1.



Гэты польскамоўны паэт, які нарадзіўся напрыканцы XVIII стагоддзя, вядомы ў Еўропе дзякуючы сваім рамантычным паэмам. На рускую мову яго творчасць перакладаў Аляксандр Пушкін, на беларускую – Вінцэнт Дунін-Марцінкевіч. Жыў у Германіі, Італіі, Швейцарыі і Францыі. Больш за год выкладаў лацінскую літаратуру ў Лазане, а пасля ўзначаліў кафедру славянскай літаратуры ў Калеж дэ Франс і стаў там першым прафесарам славянскай славеснасці. У сваіх лекцыях студэнтам ён даваў высокую ацэнку беларускай мове і фальклору, на які абапіраўся ў сваёй творчасці.









Адам Міцкевіч (1798–1855)
2.



Гэты нямецкі пісьменнік, які нарадзіўся напрыканцы XIX ст., вядомы дзякуючы сваёй інтэлектуальнай прозе. Яго аўтарскі стыль, дэталізаваны і павольны, быў натхнёны творчасцю Талстога і Дастаеўскага. У 1929 г. ён атрымаў Нобелеўскую прэмію за раман “Будэнброкі” пра сям'ю гандляроў у Германіі. У 1938–1941 гг. выкладаў у Прыстанскім універсітэце ЗША, дзе чытаў публічныя лекцыі пра лепшых прадстаўнікоў нямецкай інтэлектуальнай традыцыі: Гётэ, Вагнера і Фрэйда.









Томас Ман (1875–1955)
3.




Фэнтэзі-раманы гэтага англійскага пісьменніка, створаныя ў першай палове і сярэдзіне ХХ ст., сталі сусветна папулярнымі і былі маштабна экранізаваны ў наш час. Значную частку жыцця ён прапрацаваў прафесарам англа-саксонскай мовы і літаратуры ў Оксфардскім універсітэце і лічыўся адным з лепшых філолагаў у свеце. Там ён разам з іншым вядомым калегам заснаваў гурт “Інклінгі” – неафіцыйную літаратурную суполку, якая існавала ў Оксфардзе амаль 20 гадоў.









Джон Толкіен (1892–1973)
4.




Гэты пісьменнік ХХ ст. паходзіў з брытанскай эліты. Самы вядомы яго раман – антыўтопія “О дзівосны новы свет” пра Лондан далёкай будучыні. З дзяцінства ў яго былі сур'ёзныя праблемы са зрокам, а ў 66 гадоў яму дыягнаставалі рак гартані. Нягледзячы на гэта, у апошнія гады жыцця ён правёў цыкл лекцый ва Універсітэце Каліфорніі на філасофскія тэмы. А ў юнацтве выкладаў французскую мову ў Ітанскім каледжы, дзе яго студэнтам быў будучы пісьменнік Джордж Оруэл.









Олдас Хакслі (1894–1963)
5.




Другі са стваральнікаў гурта “Інклінгі”, які таксама выкладаў у Оксфардзе ў ХХ ст., спецыялізаваўся на англійскай літаратуры. Менавіта ў яго кватэры праводзіліся сустрэчы “інклінгаў”. У 1954 г. ён узначаліў новую кафедру літаратуры Сярэднявечча і Адраджэння ў Кембрыджскім універсітэце. Цыкл яго фэнтэзійных аповесцей папулярны ва ўсім свеце і экранізаваны нашымі сучаснікамі. Каб трапіць у яго казачны свет, героям дастаткова толькі шафы.








Клайв Люіс (1898–1963)
6.




Гэты сусветна вядомы рускі пісьменнік ХХ ст. вучыўся ў Англіі, жыў у Германіі і Францыі, а ў 1940 г. пераехаў з жонкай у ЗША. Чатыры разы быў намінаваны на Нобелеўскую прэмію па літаратуры. У амерыканскім Каледжы Уэлслі заснаваў кафедру рускай мовы і літаратуры, дзе і выкладаў. Лекцыі былі папулярны сярод студэнтаў з-за яго незвычайнай прамоўніцкай манеры. Пазней выкладаў рускую і еўрапейскую літаратуры ў Карнэльскім універсітэце.









Уладзімір Набокаў (1899–1977)
7.


Французскі пісьменнік і філосаф, які нарадзіўся ў пачатку ХХ ст., належаў плыні экзістэнцыялістаў. У 33 гады ён надрукаваў свой самы вядомы раман “Млоснасць”. Больш за дзесяць гадоў выкладаў філасофію ў ліцэях Францыі, але з 1944 г. заняўся выключна літаратурнай творчасцю. У 1964 г. адмовіўся ад Нобелеўскай прэміі, не жадаючы ўдзельнічаць у палітычных гульнях Нобелеўскага камітэта.










Жан-Поль Сартр (1905–1980)
8.


Знакаміты італьянскі пісьменнік ХХ ст. за сваё жыццё пабудаваў важкую навуковую кар'еру. У Мілане, Турыне і Фларэнцыі чытаў лекцыі па эстэтыцы і тэорыі культуры. З 1975 г. стаў прафесарам семіётыкі ў Балонскім універсітэце і ганаровым доктарам мноства вышэйшых навучальных устаноў. Таксама заснаваў кафедру медыйных даследаванняў ва Універсітэце Сан-Марына. Самы вядомы раман пісьменніка – філасофскае і культуралагічнае разважанне пра тое, чым адрозніваюцца сярэдневяковы і сучасны свет.









Умберта Эка (1932–2016)
9.




Гэты паэт, які нарадзіўся ў 1940 г. у Ленінградзе, кінуў школу ў 16 гадоў. Ён друкаваў свае вершы не толькі на рускай, але і на англійскай. У 32 гады міграваў у ЗША, выкладаў рускую літаратуру, тэорыю верша, сусветную і рускую паэзію ў шэрагу амерыканскіх універсітэтаў – Мічыганскім, Калумбійскім, Нью-Ёркскім і інш. У 1987 г. паэт атрымаў Нобелеўскую прэмію па літаратуры.









Іосіф Бродскі (1940–1996)
10.


З-за сваёй любові да жанру трылера, містыкі і фэнтэзі ён атрымаў мянушку “кароль жахаў”. Сучасны амерыканскі пісьменнік не толькі прадуктыўны аўтар, яму таксама пашчасціла ўбачыць мноства сваіх твораў экранізаванымі. Па-сапраўднаму пашанцавала студэнтам Універсітэта Мэна ў ЗША ў 1970-я, бо менавіта там можна было трапіць на курс па крэатыўным пісьме, які праводзіўся гэтай легендарнай асобай.

Стывен Кінг (нар. 1947)

Тэст падрыхтаваны аддзелам суправаджэння інтэрнэт-партала.

Навіны

16 Чэр 2021

Адна з найстарэйшых і найбуйнейшых бібліятэк вышэйшых навучальных устаноў Беларусі – Фундаментальная бібліятэка БДУ – была ўключана ў структуру Праўлення гэтага ўніверсітэта 23 мая 1921 года, і менавіта гэты дзень лічыцца датай яе заснавання. Складаны, поўны перашкод шлях стварэння, выпрабаванні 1930-х гадоў, трагічныя падзеі перыяду Вялікай Айчыннай вайны, новыя ўмовы і патрабаванні апошніх дзясяцігоддзяў і сучаснага перыяду… Установа з драматычнай гісторыяй неаднойчы амаль знікала, але аднаўлялася – дзякуючы энтузіястам, аматарам кнігі. Ды ў краіне заўсёды разумелі: дзе навучанне, без бібліятэкі нікуды.

Навіны бібліятэк

“Алмаз становіцца дыяментам”: хроніка будаўніцтва Нацыянальнай бібліятэкі Беларусі, 2004 год

16 Чэр 2021

16 чэрвеня 2006 года адбылося ўрачыстае адкрыццё новага будынка Нацыянальнай бібліятэкі Беларусі. Сёння мы працягваем публікацыі па матэрыялах прэсы аб яго будаўніцтве, якое стала яркай падзеяй у гісторыі бібліятэкі, ды і ўсёй краіны.

Да 100-годдзя Нацыянальнай бібліятэкі Беларусі

Незвычайныя завяшчанні пісьменнікаў

16 Чэр 2021

Ці задумваліся вы калі-небудзь пра сваю апошнюю волю? Напэўна так, бо, як ні горка, ніхто з нас не вечны. Аднойчы прыйдзе час пакінуць гэты тленны свет, а перад гэтым паклапаціцца пра завяшчанне, каб шматлікія сябры і сваякі адразу ведалі, хто быў вашым любімчыкам. Вядомыя пісьменнікі таксама запісвалі сваю апошнюю волю – і часцяком іх інструкцыі і пажаданні былі як мінімум незвычайныя, як максімум – эксцэнтрычныя.

Аўтарскі погляд

Віртуальная чытальная зала НББ – публічным бібліятэкам Брэсцкай вобласці

15 Чэр 2021

Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.

Навіны Нацыянальнай бібліятэкі Беларусі

Прэзентацыя альманаха “Казахстан – Беларусь” і сустрэча пісьменнікаў дзвюх краін

14 Чэр 2021

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Навіны Нацыянальнай бібліятэкі Беларусі

Бібліятэкарам
111