23 лістапада а 17-й гадзіне ў галерэі “Ракурс” адбудзецца ўрачыстае адкрыццё выстаўкі “Арт-крок”.
Арганізатары выстаўкі – Нацыянальная бібліятэка Беларусі і Міжнародная гільдыя жывапісцаў. Выстаўка ладзіцца ў рамках праекта Міністэрства культуры Рэспублікі Беларусь “Зямля пад белымі крыламі”, які пачаўся 3 верасня ў Нацыянальным мастацкім музеі Беларусі і будзе доўжыцца да 15 снежня.
Галоўная мэта праекта – вызначыць дзяржаўную палітыку ў сферы выяўленчага мастацтва.
У новым “Арт-кроку” возьмуць удзел каля 50 мастакоў Беларусі. Сярод іх вядомыя мастакі, імёны якіх ужо добра знаёмыя беларускаму гледачу – Васіль Касцючэнка, Сяргей Малішэўскі, Зміцер Сурыновіч, Алесь Забаўчык, Уладзімір Кожух, Аляксандр Ксяндзоў, Фёдар Ястраб, Уладзімір Рынкевіч, а таксама тыя, хто толькі пачынае свой творчы шлях.
Работы будуць дэманстравацца адразу ў трох галерэях Нацыянальнай бібліятэкі Беларусі (“Лабірынт”, “Атрыум” і “Ракурс”).
Выстаўка будзе доўжыцца да 15 студзеня 2011 г.
Тэлефоны для даведак: 293-27-67, 293-28-23.
