30 ліпеня 2009 года а 17-й гадзіне ў галерэі “Ракурс” адбудзецца ўрачыстае адкрыццё выстаўкі італьянскай графікі.
Выстаўка твораў італьянскай графікі ў Нацыянальнай бібліятэцы Беларусі – падзея значная і змястоўная.
Беларускі глядач сустрэнецца з ужо знаёмымі мастакамі – удзельнікамі І Мінскага міжнароднага біенале сучаснага жывапісу «COLORFEST» Эмануэлем Вентані і Рафаэлем дэ Роза.
Акрамя таго, выстаўка пазнаёміць гледачоў з графікай Рыкарда Бенвенуцы, творчасць якога надзвычай папулярная ў Італіі. Важнай часткай экспазіцыі стане італьянская графічная класіка ХХ стагоддзя – «Прасторавая кампазіцыя» вядомага футурыстычнага скульптара Энрыка Мастраяні і літаграфіі мастака-наватара Джорджыа дэ Кірыка, творы якога ў Беларусі экспануюцца ўпершыню.
Госці змогуць пазнаёміцца з тэматычнымі і абстрактнымі кампазіцыямі, партрэтамі і краявідамі.
Тэлефоны для даведак: 293-28-23, 293-27-56.
Е-mail: pr@nlb.by
