24 студзеня ў Нацыянальнай бібліятэцы Беларусі адбылося ўрачыстае адкрыццё Рэспубліканскай мастацкай выстаўкі “Арт-крок”.
10-я юбілейная выстаўка “Арт-крок” грамадскага аб’яднання “Міжнародная гільдыя жывапісцаў” прадоўжыла выставачны перыяд 2012 года ў Нацыянальнай бібліятэцы Беларусі, распачаты фотавыстаўкай Г. Падбароднікава “Фарбы Венецыі”.
У новым “Арт-кроку – 2012” узялі ўдзел каля 50 беларускіх мастакоў. Сярод іх – Уладзімір Кожух, Васіль Касцючэнка, Анатоль Бараноўскі, Зміцер Сурыновіч, Алесь Забаўчык, Генадзь Драздоў, Фёдар Ястраб, Уладзімір Рынкевіч і іншыя.
Гасцей творчымі выступленнямі парадавалі салісты эстрадна-тэатральнай студыі “Апельсін” – Марыя-Луіза Ляшчынская і Дарэна Ігнаценка.
Творы будуць экспанавацца да 24 лютага 2012 года ў дзвюх галерэях Нацыянальнай бібліятэкі Беларусі – “Лабірынт” і “Ракурс”.
Тэлефоны для даведак: 293-27-67, 293-28-23.
Е-mail: pr@nlb.by