29 кастрычніка ў Нацыянальнай бібліятэцы Беларусі адбылося ўрачыстае адкрыццё кніжнай выставы “Беларусь – Латвія: дыялог гісторыі, навукі і культуры” з фондаў Латвійскай акадэмічнай бібліятэкі і фотавыстаўкі вядомага латышскага фатографа Яніса Глейздcа “Дасягненне мрояў”.
Абедзве выстаўкі падрыхтаваны сумесна з Пасольствам Латвійскай Рэспублікі ў Рэспубліцы Беларусь і прысвечаны 90-годдзю абвяшчэння Латвійскай Рэспублікі.
У рамках мерапрыемства адбылася цырымонія падпісання Пагаднення аб доўгатэрміновым супрацоўніцтве паміж Нацыянальнай бібліятэкай Беларусі і Латвійскай акадэмічнай бібліятэкай.
На выстаўцы прадстаўлена больш за 300 экспанатаў з фондаў Латвійскай акадэмічнай бібліятэкі, прысвечаных гістарычным, навуковым і культурным сувязям Беларусі і Латвіі: мастацкая літаратура, альбомы, праграмы тэатральных выставак, фатаграфіі і іншыя матэрыялы.
Падчас мерапрыемства таксама адкрылася фотавыстаўка вядомага латвійскага фотамастака Яніса Глейздcа "Дасягненне мрояў".
Ва ўрачыстай цырымоніі адкрыцця выстаўкі ўзялі ўдзел Пасол Латвійскай Рэспублікі ў Рэспубліцы Беларусь Майра Мору, дырэктар Латвійскай акадэмічнай бібліятэкі доктар Вента Коцерэ, дырэктар Нацыянальнай бібліятэкі Беларусі, прафесар, доктар педагагічных навук Р.С. Матульскі, дыпламаты, дзеячы навукі і культуры, прадпрымальнікі і інш.
Выстаўка будзе працаваць па 26 лістапада 2008 г.
Тэлефоны для даведак: 293-27-64, 293-28-23, 293-27-66.
Е-mail: pr@nlb.by
Р.С. Мотульский, директор Национальной библиотеки Беларуси |
Вента Коцере, директор Латвийской академической библиотеки |
Майра Мора, Посол Латвийской Республики в Республике Беларусь |