ГалоўнаяНавіныМастацкія выстаўкі
Размова з адвакатам аб адказнасці за дзеянні ў сацыяльных сетках
Падзяка за паспяховае супрацоўніцтва ў лічбавізацыі культурнай спадчыны

Далучайцеся да фестывалю мастацтва “Арт-Мінск” у бібліятэцы

Далучайцеся да фестывалю мастацтва “Арт-Мінск” у бібліятэцы
Іншыя Навіны

19 мая ў межах фестывалю мастацтва ў бібліятэцы адкрылася выстаўка “Арт-Мінск 2022”.

Фестываль мастацтва “Арт-Мінск” – падарунак жыхарам і гасцям сталіцы да 955-годдзя Мінска.

У мерапрыемстве прынялі ўдзел генеральны дырэктар Нацыянальнай бібліятэкі Беларусі Аксана Кніжнікава, мастацкі крытык, старшыня секцыі крытыкі і мастацтвазнаўства Беларускага саюза мастакоў Мікалай Паграноўскі, вядучы спецыяліст па выставачнай дзейнасці Рэспубліканскай мастацкай галерэі Беларускага саюза мастакоў, мастацтвазнавец Андрэй Янкоўскі, мастак-жывапісец, пастаянны ўдзельнік фестывалю “Арт-Мінск”, старшы выкладчык факультэта сацыякультурных камунікацый Беларускага дзяржаўнага ўніверсітэта Генадзь Козел.

У экспазіцыі – работы, выкананыя ў класічных стылях, але вытрыманыя ў адпаведнасці з моцным і яркім аўтарскім характарам: постмадэрнісцкая гармонія Генадзя Козела, канцэптуальныя партрэты Максіма Бародзіча, абстрактная кампазіцыя Анатоля Лісоўскага. Выразна вобразныя эксперыменты Сафіі Піскун і Дзяніса Барсукова, цікавыя абстрактна-батанічныя фантазіі маладой мастачкі O.ZHE. Незабыўна гучаць этнаграфічныя дэкаратыўныя мелодыі ў жанрах партрэта і нацюрморта Ліліі Нішчык і Аксаны Місан-Быстровай. Надоўга прыцягваюць увагу канцэптуальны, глыбокі твор Андрэя Савіцкага “На падмену”, лагодныя класічныя пейзажы Паўла Масленікава, Юліі Мацура, Уладзіміра Шапавалава і іншыя работы.

Далучыцца да фестывалю “Арт-Мінск” і пазнаёміцца з багаццем тэхнік, жанраў і стыляў у работах таленавітых майстроў можна ў галерэі “Ракурс” да 27 чэрвеня 2022 года.
Дата заканчэння працы экспазіцыі можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Навіны

Ствараем разам: народнае мастацтва беларусаў у выставачным праекце “Жывыя крыніцы”

28 Чэр 2022

Нацыянальная бібліятэка Беларусі працягвае цыкл майстар-класаў з вядомымі народнымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.

Выставачныя мультыпраекты

Песняры зямлі беларускай: у бібліятэцы адкрылася выстаўка, прысвечаная беларускім класікам

23 Чэр 2022

23 чэрвеня ў Нацыянальнай бібліятэцы Беларусі адбылося ўрачыстае адкрыццё літаратурна-мастацкай выстаўкі “Песняры зямлі беларускай”, прысвечанай 140-годдзю з дня нараджэння беларускіх пісьменнікаў Янкі Купалы і Якуба Коласа.

Навіны Нацыянальнай бібліятэкі Беларусі

Віншуем з юбілеем заслужанага дзеяча культуры Рэспублікі Беларусь, высокага прафесіянала бібліятэчнай справы Людмілу Генадзьеўну Кірухіну!

24 Чэр 2022

Ад усяго калектыву Нацыянальнай бібліятэкі Беларусі Людміле Генадзьеўне самыя шчырыя пажаданні моцнага здароўя і даўгалецця, жаночага шчасця, утульнасці і дастатку ва ўсім. Хай жыццё будзе напоўнена цёплымі сустрэчамі, радаснымі падзеямі, усмешкамі і ўвагай родных і блізкіх людзей.

Партрэты: гісторыя бібліятэкі ў асобах

Формавідзец, вобразапісец, музыкасловец: новы віртуальны рэсурс

23 Чэр 2022

Нацыянальная бібліятэка Беларусі стварыла новы віртуальны рэсурс, прысвечаны 120-годдзю з дня нараджэння паэта, крытыка і перакладчыка Язэпа Пушчы ў межах праекта “На хвалі часу, у плыні жыцця”.

Да 100-годдзя літаб'яднання "Маладняк"

Бібліятэкарам