ГалоўнаяНавіныМастацкія выстаўкі
Беларусь атрымала лічбавыя копіі беларускіх буквароў XVII–XVIII стагоддзяў
Тэхналогіі ў сферы культуры: у бібліятэцы прайшла навукова-практычная канферэнцыя

Экспазіцыя вас здзівіць: адкрылася выстаўка “Арт-Мінск-2019”

Экспазіцыя вас здзівіць: адкрылася выстаўка “Арт-Мінск-2019”
Іншыя навіны

6 чэрвеня ў бібліятэцы ў межах міжнароднага фестывалю мастацтва “Арт-Мінск-2019” адкрылася аднайменная выстаўка.

Вернісаж пачаўся з прывітальных слоў першага намесніка дырэктара Нацыянальнай бібліятэкі Беларусі Алены Далгаполавай. У адкрыцці выстаўкі прымалі ўдзел дырэктар Рэспубліканскай мастацкай галерэі (Палаца мастацтва), беларускі мастак-графік Аляксандр Зінкевіч і намеснік старшыні грамадскага аб’яднання “Беларускі саюз мастакоў” Леанід Хобатаў.

Насычаная экспазіцыя ў Нацыянальнай бібліятэцы прапануе ўвазе наведвальнікаў багацце тэхнік, жанраў і стыляў у работах таленавітых майстроў розных пакаленняў.

Асаблівасцю “Арт-Мінск-2019” з'яўляецца адкрыццё новых імёнаў. Пры гэтым у экспазіцыі ў галерэі “Панарама” прадстаўлены работы і такіх вядомых аўтараў, як Алеся Скарабагатая, Юлія Мацура, Васіль Пяшкун, Канстанцін Вашчанка, Анатоль Отчык, Сяргей Пісарэнка, Сяргей Давідовіч, Аляксандр Зіменка, Кацярына Сумарава, Дар’я Бунеева.

Выстаўка дае магчымасць адчуць пульс творчага жыцця, дынаміку і кірункі развіцця выяўленчага мастацтва. Вылучае насычаную экспазіцыю тое, што яна прапануе ўвазе наведвальнікаў работы беларускіх жывапісцаў.

Арганізатары фестывалю – Цэнтр выяўленчага і медыямастацтва “Новая культурная ініцыятыва” і Рэспубліканская мастацкая галерэя ГА “Беларускі саюз мастакоў” (Палац мастацтва) пры падтрымцы Мінскага гарадскога выканаўчага камітэта, ААТ “Белгазпрамбанк”, ААТ “Газпром трансгаз Беларусь”.

Азнаёміцца з экспазіцыяй можна ў галерэі “Панарама” (22-гі паверх) да 19 жніўня 2019 года.
Дата заканчэння яе работы можа быць зменена.
Падчас працы выстаўкі магчымы змены ў экспазіцыі.

Уваход складае кошт наведвання агляднай пляцоўкі.
Час работы выстаўкі адпавядае рэжыму работы агляднай пляцоўкі.

Тэлефоны для даведак: (8 017) 266 37 37, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Навіны

Спалучэнне мер прававога і грамадскага ўздзеяння – найважнейшы фактар процідзеяння карупцыі

20 Лют 2020

Аддзел абслугоўвання афіцыйнымі дакументамі прадстаўляе ў рубрыцы “Актуальныя тэмы” на анлайн-сэрвісе “Віртуальны цэнтр прававой інфармацыі” рэкамендацыйны спіс літаратуры “Спалучэнне мер прававога і грамадскага ўздзеяння – найважнейшы фактар процідзеяння карупцыі”.

Навіны Нацыянальнай бібліятэкі Беларусі

Прэзентавана выданне да 180-годдзя з дня нараджэння Францішка Багушэвіча

19 Лют 2020

19 лютага ў Нацыянальнай бібліятэцы Беларусі прайшла прэзентацыя электроннага выдання “Не пакідайце ж мовы нашай беларускай...”, падрыхтаванага да 180-годдзя з дня нараджэння Францішка Багушэвіча.

Навіны Нацыянальнай бібліятэкі Беларусі

Biełaruskaja łacinka

20 Лют 2020

З 21 лютага 2020 г. у музеі кнігі Нацыянальнай бібліятэкі Беларусі будзе працаваць выстава, прысвечаная адметнай традыцыі ў нашай культуры – беларускай лацінцы.

Кніжныя выстаўкі

Калегам пра афармленне спісаў літаратуры

19 Лют 2020

18 лютага ў бібліятэцы Беларускага дзяржаўнага педагагічнага ўніверсітэта ў рамках павышэння кваліфікацыі супрацоўнікаў прайшлі практычныя заняткі па правільным афармленні спісаў літаратуры да навуковых прац.

Навіны Нацыянальнай бібліятэкі Беларусі

111