ГалоўнаяНавіныМастацкія выстаўкі
Новы відэаўрок па анлайн-паслузе “Складанне спіса літаратуры па тэме”
IV Беларускія Калядныя чытанні “Моладзь: свабода і адказнасць”

“Эстамп” ад майстра графікі: у бібліятэцы адкрылася выстаўка Уладзіміра Хіна

“Эстамп” ад майстра графікі: у бібліятэцы адкрылася выстаўка Уладзіміра Хіна
Іншыя навіны

29 лістапада ў бібліятэцы адкрылася незвычайная экспазіцыя. На выстаўцы “Эстамп” агучаны хіба не ўвесь творчы шлях Уладзіміра Хіна (Правідохіна) пачынаючы з 1970-х гадоў.

“Важна нават не сама гравюра, а той стан думкі, душы, сэрца ў момант яе нараджэння на зямлі ў новай якасці...”
Уладзімір Хін, мастак, графік.

Па задумцы майстра экспазіцыя заклікана звярнуць увагу публікі і спецыялістаў на ўнікальныя магчымасці чорна-белай і каляровай гравюры з адной дошкі. Сярод іх лінейна-графічная структура, лакальнасць колеравай плямы і чорна-белых адносін, эмацыянальны пачатак, неадназначнасць кампазіцыйных рашэнняў пластычнай думкі, тэкст у гравюры і многае іншае.

На ўрачыстым адкрыцці экспазіцыі загадчыца аддзела галерэйна-выставачнай дзейнасці Нацыянальнай бібліятэкі Беларусі Вольга Давідовіч пазнаёміла гасцей з гісторыяй супрацоўніцтва бібліятэкі з Уладзімірам Хінам і падрабязна распавяла пра творчасць мастака.

Сваімі ўражаннямі ад выстаўкі падзяліліся мастацтвазнаўца, мастацкі крытык, загадчык кафедры дызайну факультэта мастацтваў Інстытута сучасных ведаў імя А.М. Шырокава, член Беларускага саюза мастакоў Леанід Дзягілеў; мастак, член Беларускага саюза мастакоў Анатоль Кузняцоў; беларускі мастацтвазнаўца, арт-крытык, арт-дырэктар Аўтарскай некамерцыйнай канцэптуальнай галерэі “Брама”, член Беларускага саюза мастакоў і Беларускага саюза дызайнераў Ларыса Фінкельштэйн і графік, паэт, старшыня Беларускага саюза мастакоў Рыгор Сітніца.

Гасцям выстаўкі Уладзімір Хін расказаў аб галоўнай мэце і задачах экспазіцыі, а таксама падзяліўся вопытам са сваёй шматгадовай практыкі.


Выстаўка будзе доўжыцца да 13 лютага 2019 г. у галерэі “Атрыум” (3-ці паверх).

Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 266 37 37, 293 28 33, 293 28 81.
Е-mail: pr@nlb.by

Матэрыял падрыхтаваны аддзелам сувязей з грамадскасцю.

Навіны

Калядная зорка

4 Сне 2020

Новы год і Раство – бадай што самыя чаканыя даты сусветнага календара. Нягледзячы на тое, што для паловы насельніцтва нашай планеты гэтыя святы прыпадаюць на халодную пару года, складана прыгадаць больш цёплую і ўтульную атмасферу ў дамах і на вуліцах.

Кніжныя выстаўкі

4 Сне 2020

Выдавецкі дом “Звязда” зноў радуе чытачоў новымі кнігамі. Распавядзём пра чатыры навінкі. Тэматычны дыяпазон часткова класічны: дзіцячыя кнігі і літаратура пра вайну, аднак адно з выданняў – даніна памяці адметнаму беларускаму паэту, які, на жаль, даволі рана пайшоў з жыцця.

Навіны бібліятэк

3 Сне 2020

28 лiстапада 1923 года ў мiнскiм камсамольскiм клубе «КIМ» сабралiся шэсць маладых пiсьменнiкаў: Мiхась Чарот, Анатоль Вольны, Алесь Дудар, Андрэй Александровiч, Язэп Пушча – i вырашылi стварыць лiтаратурнае аб'яднанне, якое ўвойдзе ў гiсторыю беларускай лiтаратуры пад назвай «Маладняк».

Да 100-годдзя літаб'яднання "Маладняк"

28 Ліс 2020

“Маладняк” – цяпер так магла б абазвацца якая-небудзь каляфутбольная брыгада з прэтэнзіяй, а 95 гадоў таму маладыя літаратары назвалі так сваё аб’яднанне. У шэрагах “Маладняка” былі такія вядомыя пісьменнікі, як Міхась Чарот, Анатоль Вольны, Міхась Лынькоў, Кандрат Крапіва, Пятро Глебка, Алесь Дудар, Міхась Зарэцкі, Кузьма Чорны, Ян Скрыган, Пятрусь Броўка, Уладзімір Дубоўка, Язэп Пушча і многія іншыя. Маладыя, моцныя, амбітныя і таленавітыя творцы з неймавернай энергіяй узяліся за справу стварэння новай культуры. Пры гэтым іх інтарэсы не абмяжоўваліся выключна літаратурай.

Да 100-годдзя літаб'яднання "Маладняк"

Як зберагчы кнігі?

2 Сне 2020

Усе мы любім чытаць у доўгія зімовыя вечары. Тамы Тургенева, Пушкіна і Дастаеўскага напэўна туляцца на паліцах хатніх бібліятэк, чакаючы сваёй гадзіны. І вось, шурпатая вокладка, пах старой паперы і... аселы пыл, які псуе ўвесь настрой.

Навіны Нацыянальнай бібліятэкі Беларусі

111