18 студзеня а 17-й гадзіне ў галерэі “Лабірынт” адбудзецца ўрачыстае адкрыццё фестывалю пейзажа, прысвечанага Міжнароднаму году лясоў.
Генеральная Асамблея ААН абвясціла 2011 год Міжнародным годам лясоў. Да гэтай даты запланаваны шэраг мерапрыемстваў ва ўсім свеце. Беларусь не выключэнне, у першую чаргу таму, што лес для нашай краіны – адзін з самых галоўных прыродных скарбаў, які займае амаль палову яе тэрыторыі.
Нацыянальная бібліятэка Беларусі сумесна з Міжнароднай гільдыяй жывапісцаў з нагоды абвяшчэння 2011 года Міжнародным годам лясоў знаёміць з уласным культурным праектам, накіраваным на прыцягненне ўвагі грамадскасці да захавання і абароны прыроднага скарбу краіны, – фестывалем пейзажу.
Сваё трапяткое стаўленне да лесу, да жывой прыроды пасродкам жывапісу, графікі, фота выкажуць вядомыя беларускія мастакі. Гледачы змогуць пазнаёміцца з творамі Аляксандра Грышкевіча, Ягора Батальёнка, Георгія Поплаўскага, Валерыя Вядрэнкі, Вадзіма Качана і многіх іншых.
Выстаўка будзе доўжыцца да 28 лютага ў галерэях “Атрыум” и “Лабірынт” Нацыянальнай бібліятэкі Беларусі.
Тэлефоны для даведак: 293-27-67, 293-27-83.
Е-mail: pr@nlb.by