18 верасня 2007 года у 17.00 у галерэі “Панарама” (22-гі паверх) Нацыянальнай бібліятэкі Беларусі адбылося ўрачыстае адкрыццё фотапраекта Вадзіма Качана “Мінск. Прагулкі па горадзе”.
Серыя работ “Прагулкі па горадзе” – вынік здымкаў з 2003 года. Наш горад розны ў розны час дня і года. Адны і тыя ж месцы выклікаюць зусім розныя ўражанні ў дождж, раніцай ці вечарам. Асабліва цікавыя моманты можна для сябе адкрыць у такім знаёмым горадзе падчас туманаў. Тады горад паказвае сябе зусім з іншага, незнаёмага боку, радуе нас нечаканасцямі, навявае рамантычны настрой.
Зараз Мінск мяняецца штодня. Штосці занатаванае на фота ўжо стала гісторыяй. Часам спалучаецца нязлучнае: архітэктура з яе кантрастамі, элементы быту і нават пластычныя характары жыхароў. Увесь горад прасякнуты духам еўрапейскасці, некаторыя кварталы нагадваюць нават Парыж, дзе аўтару пашчасціла пабываць.
З вандровак па гораду, а вандруе ён заўсёды з фотакамерай, і нарадзілася гэта выстаўка, на якой прадстаўлены 43 творы. Выстаўка скампанавана блокамі, дзе прыхільнік канструктывізму і нястомны рамантык і аматар рэпартажнай выявы знойдуць блізкія іх душы творы. Папярэдняя выстаўка В.Качана ў Нацыянальная бібліятэкі была ў чэрвене 2005г.
Кантактны тэлефон: 293-38-23
