ГалоўнаяНавіныМастацкія выстаўкі
Гары Потэр не будзе есці дранікі і бабку – перакладчыца пра беларускае выданне знакамітай кнігі
Эстафета “Полымя міру” крочыць па сталіцы

Гэты дзень мы набліжалі як маглі…

Гэты дзень мы набліжалі як маглі…
Іншыя навіны

18 чэрвеня ў бібліятэцы адкрылася другая частка праекта “Насустрач перамозе”, прымеркаванага да 75-годдзя вызвалення Беларусі ад нямецка-фашысцкіх захопнікаў.

Працягам юбілейнага праекта стала фотадакументальная выстаўка “Гэты дзень мы набліжалі як маглі…”, на якой прадстаўлены дакументальныя звесткі і фотаздымкі адной з самых жудасных старонак гісторыі – Вялікай Айчыннай вайны. На выставачных стэндах – жорсткія баі, генацыд, крывавы тэрор нацыстаў, партызанскі рух і, канешне, самая доўгачаканная падзея тых страшных часоў – перамога.

У імпрэзе прынялі ўдзел дырэктар Нацыянальнай бібліятэкі Беларусі Раман Матульскі, дырэктар Дзяржаўнага музея ваеннай гісторыі Рэспублікі Беларусь пры Міністэрстве абароны Рэспублікі Беларусь Сяргей Азаронак і ветэран Вялікай Айчыннай вайны, палкоўнік Браніслаў Карпенка.

Асобнай часткай экспазіцыі сталі адны з самых каштоўных сцягаў Вялікай Айчынай вайны. Сярод іх шаўковыя баявыя сцягі, якія належалі 85-му асобнаму гвардзейскаму ордэна Чырвонай Зоркі батальёну сувязі, палкам 37-ай гвардзейскай танкавай Нікапольскай Чырванасцяжнай ордэна А. Суворава брыгады, 93-яй гвардзейскай танкавай Талінскай Чырванасцяжнай ордэна М. Кутузава і 263-яй гвардзейскай танкавай Чырванасцяжнай ордэна А. Суворава брыгадам.

Выстаўка стала першым сумесным праектам Нацыянальнай бібліятэкі Беларусі і Дзяржаўнага музея ваеннай гісторыі Рэспублікі Беларусь. Спадзяёмся на далейшае супрацоўніцтва.
Наведаць выстаўку можна ў галерэі "Атрыум" (3-ці паверх) да 14 жніўня 2019 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 293 28 33, 266 37 37, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Чытайце таксама пра адкрыццё праекта “Насустрач перамозе”.

Навіны

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

Круцейшыя, чым у братоў Грым: выходзіць зборнік беларускіх чарадзейных казак

18 Ліс 2019

На “Вулеі” ідзе краўдфандынгавая кампанія для выпуску незвычайнага зборніка: “Вядзьмар, які рабіўся ваўком” – гэта трыццаць беларускіх казак з класічных збораў этнографаў XIX–XX стагоддзяў Паўла Шэйна, Еўдакіма Раманава, Міхала Федароўскага і Уладзіслава Вярыгі.

Навіны бібліятэк

Пяцітомнік “Перамога” папоўніў фонд “алмаза ведаў”

16 Ліс 2019

У новым будынку Расійскай нацыянальнай бібліятэкі 15 лістапада адбылося пасяджэнне Савета аддзялення Расійскага гістарычнага таварыства ў рамках VII Усерасійскага форуму публічных бібліятэк “Муніцыпальныя бібліятэкі новага пакалення: рэгіянальны погляд”, на якім Рэспубліку Беларусь прадставіў дырэктар Нацыянальнай бібліятэкі Беларусі Раман Сцяпанавіч Матульскі.

Навіны Нацыянальнай бібліятэкі Беларусі

111