31 мая ў галерыі “Ракурс” адбылося ўрачыстае адкрыццё ІV Мінскай міжнароднай выстаўкі графікі “Арт-лінія”.
Чацвёрты раз у галерэях бібліятэкі "Арт-лінія" сабрала разам творы таленавітых мастакоў, каб публіка змагла азнаёміцца з шырокай палітрай сучаснай графікі. Сёлета свае работы на выстаўцы прадставілі мастакі з Беларусі, Кубы, Польшчы, ЗША, Украіны, Швецыі, Эстоніі.
У гэтым годзе ў Мінскую міжнародную выстаўку графікі "Арт-лінія" ўключана рэтрапраграма – калекцыя рэпрадукцыйнай французскай графікі XIX – пачатку XX ст. з фондаў Нацыянальнай бібліятэкі Беларусі.
Адкрыла вернісаж першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі Алена Далгаполава.
У мерапрыемстве ўзялі ўдзел куратар праекта, загадчык аддзела галерэйна-выставачнай дзейнасці Нацыянальнай бібліятэкі Беларусі Фёдар Ястраб; ганаровы госць выстаўкі, народны мастак Беларусі, лаўрэат дзяржаўнай прэміі Беларусі, прафесар Арлен Кашкурэвіч; маладыя таленавітыя мастачкі Дар’я Мароз і Юлія Мацура, якія прадставілі на выстаўцы свае работы.
Выстаўка графікі “Арт-лінія” размясцілася ў галерэях “Ракурс”, “Лабірынт” і “Атрыум” і будзе доўжыцца да ліпеня 2011 г.