ГалоўнаяНавіныМастацкія выстаўкі
“Я не адчуваю віны за тое, што мне лёгка”, – Андрэй Горват. Вялікае інтэрв’ю
Сустрэча з адвакатам на тэму праў і льгот для інвалідаў

Маладыя мастакі ў пошуках сябе: у бібліятэцы адкрылася выстаўка “Хто я?”

Маладыя мастакі ў пошуках сябе: у бібліятэцы адкрылася выстаўка “Хто я?”
Іншыя навіны

У 2019 годзе Мінская дзяржаўная гімназія-каледж мастацтваў святкуе свой векавы юбілей.

За 100 гадоў навучальная ўстанова падрыхтавала не адно пакаленне таленавітых дзеячаў. На юбілейнай выстаўцы “Хто я?” прадстаўлены дыпломныя работы выпускнікоў спецыяльнасці "дызайн", выкананыя пад кіраўніцтвам педагогаў-мастакоў.

На адкрыцці экспазіцыі загадчыца аддзела галерэйна-выставачнай дзейнасці Нацыянальнай бібліятэкі Беларусі Вольга Давідовіч адзначыла, што ў “алмазе ведаў” падтрымліваюць таленавітую моладзь. Бібліятэка супрацоўнічае з рознымі ўстановамі адукацыі, і рэгулярна становіцца пляцоўкай для выставак твораў юных мастакоў.

Дырэктар Мінскай гімназіі-каледжа мастацтваў Лілія Міцура расказала пра шэраг выставак, прысвечаных 100-годдзю гімназіі-каледжа, і пажадала ўсім маладым мастакам адказаць на пытанне “Хто я?”.

У выстаўленых дыпломных работах прасочваецца цікавасць вучняў да гісторыі, нацыянальнай i сусветнай культуры, гуманнасці, грамадзянскасці і іншых сацыяльна значных тэм.


Азнаёміцца з экспазіцыяй можна да 18 ліпеня 2019 г.

Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 266 37 37, 293 28 33, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Навіны

Калядная зорка

4 Сне 2020

Новы год і Раство – бадай што самыя чаканыя даты сусветнага календара. Нягледзячы на тое, што для паловы насельніцтва нашай планеты гэтыя святы прыпадаюць на халодную пару года, складана прыгадаць больш цёплую і ўтульную атмасферу ў дамах і на вуліцах.

Кніжныя выстаўкі

4 Сне 2020

Выдавецкі дом “Звязда” зноў радуе чытачоў новымі кнігамі. Распавядзём пра чатыры навінкі. Тэматычны дыяпазон часткова класічны: дзіцячыя кнігі і літаратура пра вайну, аднак адно з выданняў – даніна памяці адметнаму беларускаму паэту, які, на жаль, даволі рана пайшоў з жыцця.

Навіны бібліятэк

3 Сне 2020

28 лiстапада 1923 года ў мiнскiм камсамольскiм клубе «КIМ» сабралiся шэсць маладых пiсьменнiкаў: Мiхась Чарот, Анатоль Вольны, Алесь Дудар, Андрэй Александровiч, Язэп Пушча – i вырашылi стварыць лiтаратурнае аб'яднанне, якое ўвойдзе ў гiсторыю беларускай лiтаратуры пад назвай «Маладняк».

Да 100-годдзя літаб'яднання "Маладняк"

28 Ліс 2020

“Маладняк” – цяпер так магла б абазвацца якая-небудзь каляфутбольная брыгада з прэтэнзіяй, а 95 гадоў таму маладыя літаратары назвалі так сваё аб’яднанне. У шэрагах “Маладняка” былі такія вядомыя пісьменнікі, як Міхась Чарот, Анатоль Вольны, Міхась Лынькоў, Кандрат Крапіва, Пятро Глебка, Алесь Дудар, Міхась Зарэцкі, Кузьма Чорны, Ян Скрыган, Пятрусь Броўка, Уладзімір Дубоўка, Язэп Пушча і многія іншыя. Маладыя, моцныя, амбітныя і таленавітыя творцы з неймавернай энергіяй узяліся за справу стварэння новай культуры. Пры гэтым іх інтарэсы не абмяжоўваліся выключна літаратурай.

Да 100-годдзя літаб'яднання "Маладняк"

5 снежня спаўняецца 80 гадоў ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы Марыі Уладзіміраўне Сокал

5 Сне 2020

Нарадзілася Марыя Уладзіміраўна ў в. Падлессе Ляхавіцкага раёна Брэсцкай вобласці. Скончыўшы ў 1957 годзе сярэднюю школу, яна паступіла ў Мінскі дзяржаўны педагагічны інстытут імя М. Горкага (цяпер – Беларускі дзяржаўны педагагічны ўніверсітэт імя М. Танка).

Партрэты: гісторыя бібліятэкі ў асобах

111