27 лістапада 2007 года а 17-й гадзіне Польскі інстытут у Мінску і Нацыянальная бібліятэка Беларусі запрашаюць на адкрыццё выстаўкі рэпрадукцый твораў Напалеона Орды са збораў Нацыянальнага музея ў Варшаве.
Творы Напалеона Орды з’яўляюцца самымі яркімі і самымі шырокімі вобразамі зямель даўняй Рэчы Паспалітай у XIX стагоддзі. У іх спалучаюцца ўсе тэндэнцыі гэтага стагоддзя: рамантычная – якая шукае маляўнічай прыгажосці, гістарычна-патрыятычная, – якая паказвае нацыянальныя помнікі, і інвентарызатарская, – якая занатоўвае выгляд захаваных гістарычных помнікаў.Орда маляваў шырокія панарамы гарадоў, але таксама засяроджваў увагу на адным выбраным матыве або будынку. Архітэктурныя паказы ён ажыўляў стафажам – людзьмі, якія прагульваюцца, адпачываюць на лаўках, купаюцца або працуюць на беразе ракі. На сваіх малюнках мастак скрупулёзна перадаваў архітэктурныя формы, адзначаў дэталі, добра разумеў прапорцыі глыбы, падкрэсліваў характар ландшафту ў гэтую пару года. Некаторыя творы, нягледзячы на тое, што яны былі падпісаны як “малёваныя з натуры”, з’яўляюцца, безумоўна, перамалёўкамі з ранейшых малюнкаў або гравюр іншых мастакоў.
Сёння адной з найбольшых вартасцей малюнкавай спадчыны Напалеона Орды з’яўляецца вага яе гістарычнага пераказу. Мастак занатаваў выгляд гарадоў, вёсак, касцёлаў, палацаў, замкаў і маёнткаў, якія не захаваліся да нашых часоў, або былі моцна пашкоджаны.
Выстаўка будзе працаваць да 29 снежня па адрасу: прасп. Незалежнасці, 116, 3 паверх, мабільная галерэя.