15 кастрычніка ў галерэі “Панарама” прайшло адкрыццё фотавыстаўкі “Погляд на Мір”, на якой прадстаўлены лепшыя работы фотапленэра, што адбыўся ў Мірскім замку ў маі – чэрвені 2013 года.
“Погляд на Мір” – гэта ўнікальны праект для знатакоў жанру travel-фота. Фатаграфічнае вандраванне праходзіла ў Мірскім замку і яго наваколлях: па экспазіцыі музея, тэрыторыі замкавага комплексу, гістарычнай частцы пасёлка Мір.
Фотапленэр праходзіў у два этапы: у першым бралі ўдзел прафесіяналы, у другім – фатографы-аматары, якія прайшлі конкурсны адбор. Пераможцамі першага этапу сталі старшы выкладчык Акадэміі мастацтваў Наталля Коўш і фатограф Дзяніс Усенка, на другім этапе лепшымі былі прызнаны работы перакладчыка Арцёма Гізуна і студэнткі з Віцебска Яны Кучык.
Партнёрам падзеі выступіла прадстаўніцтва кампаніі Samsung у Беларусі, якое забяспечыла лінейкай cмарт-камер на час правядзення здымак у Мірскім замку ўсіх удзельнікаў фотапраекта.
Выстаўка адкрыта для наведвальнікаў да 15 лістапада.
Уваход на выстаўку платны і складае кошт наведвання агляднай пляцоўкі Нацыянальнай бібліятэкі Беларусі.
Тэлефон для даведак: (8 017) 293 27 67.