ГалоўнаяНавіныМастацкія выстаўкі
Сусветны дзень некурэння. Прафілактыка анкалагічных захворванняў
Тэставы доступ да ЭБС Znanium.com

Праект #мысяродвас: розныя людзі адзінага грамадства супраць распаўсюджвання ВІЧ-інфекцыі

Праект #мысяродвас: розныя людзі адзінага грамадства супраць распаўсюджвання ВІЧ-інфекцыі
Іншыя навіны

14 лістапада напярэдадні Сусветнага дня барацьбы са СНІДам у мабільнай галерэі бібліятэкі адкрылася фотавыстаўка #мысяродвас.

Арганізатарамі сталі Нацыянальная бібліятэка Беларусі і беларускае грамадскае аб'яднанне “Пазітыўны рух”.

У мабільнай галерэі выстаўлены здымкі фатографа Юліі Шаблоўскай. Гэта партрэты найбольш уразлівых да ВІЧ-інфекцыі груп насельніцтва, а таксама медыкаў, сацыяльных работнікаў, чыноўнікаў, журналістаў і проста неабыякавых людзей, якія падтрымліваюць філасофію навукова-абгрунтаваных праграм прафілактыкі ВІЧ-інфекцыі. Праект папулярызуе ідэю разнастайнага грамадства, якое яднаецца перад праблемай ВІЧ-інфіцыравання, – фатаграфіі на выстаўцы размешчаны ўперамешку і не паказваюць прыналежнасць чалавека да пэўнай групы.

На стэндах з інфаграфікай прадстаўлены паказчыкі інфіцыравання ў Беларусі, статыстыка шляхоў перадачы ВІЧ-інфекцыі за 2005–2016 гады, віды дыскрымінацыі непаўналетніх з імунадэфіцытам, метады барацьбы з ростам эпідэміі і многае іншае.

Першы намеснік дырэктара Нацыянальнай бібліятэкі Беларусі Алена Далгаполава расказала пра ўклад установы ў распаўсюджванне ведаў на тэму барацьбы з ВІЧ-інфекцыяй і папулярызацыю талерантнага стаўлення да людзей з імунадэфіцытам.

Куратар выстаўкі #мысяродвас Кацярына Парфянюк і аўтар здымкаў Юлія Шаблоўская падзякавалі партнёрам праекта, а таксама ўдзельнікам фотасесіі за актыўную працу і неабыякавае стаўленне да прафілактыкі ВІЧ-інфекцыі.

На адкрыцці фотапраекта таксама выступілі прадстаўнік Дзіцячага фонду ЮНІСЕФ у Беларусі доктар Рашэд Мустафа Сарвар, пасол добрай волі Святлана Бароўская, аналітык ПРААН у Беларусі па пытаннях камунікацыі і папулярызацыі Аляксей Чыстадарскі, асістэнт кафедры інфекцыйных хвароб Беларускага дзяржаўнага медыцынскага ўніверсітэта Ганна Васіленка, намеснік начальніка аддзела гігіены, эпідэміялогіі і прафілактыкі Міністэрства аховы здароўя Рэспублікі Беларусь Іна Карабан, намеснік начальніка Галоўнага ўпраўлення па наркакантролі і супрацьдзеянні гандлю людзьмі МУС Рэспублікі Беларусь Кацярына Шэлегава.

Напрыканцы мерапрыемства гасцям выстаўкі прапанавалі запоўніць анкеты, якія дапамогуць зразумець, што кожны з іх можа зрабіць для пераадолення росту эпідэміі ВІЧ-інфекцыі.

Падрабязнасці аб праекце можна знайсці па хэштэгу #мысяродвас ў сацыяльнай сетцы Facebook.


Фотавыстаўка будзе доўжыцца да 25 лістапада 2018 года.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 293 28 33, 293 28 81.
Е-mail: pr@nlb.by


Навіны

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

22 Вер 2020

Сёлета Нацыянальная  літаратурная прэмія  ў намінацыі “Літаратурная крытыка і літаратуразнаўства” была прысуджана  Івану Саверчанку за кнігу  “Магія слова. Беларускія пісьменнікі ХІІ–ХVII стагоддзяў: эсэ”.

Навіны бібліятэк

21 Вер 2020

Мінулы тыдзень у нашай краіне прайшоў пад эгідай правядзення агульнарэспубліканскага Дня бібліятэк. Насамрэч, бібліятэчная справа ў культурным кантэксце і пасёння застаецца важкай і патрэбнай.

Навіны бібліятэк

Аб пазнавальных выставах і навошта чытаць кнігі

21 Вер 2020

Кальцавыя калідоры Нацыянальнай бібліятэкі Беларусі не толькі прастора для перамяшчэння па будынку, але яшчэ і пляцоўка для выстаў. Важныя даты, цікавыя падзеі – усё гэта знаходзіць адлюстраванне ў пазнавальных кніжных экспазіцыях. У праграме “Мінск і мінчане” тэлеканала СТБ распавялі пра самыя актуальныя ў верасні.

Навіны Нацыянальнай бібліятэкі Беларусі

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

111