6 сакавіка ў галерэі "Панарама" адбылося ўрачыстае адкрыццё фотавыстаўкі Віктара Данілава "Скарбы Нясвіжа".
Выстаўка арганізавана ў падтрымку рэспубліканскай акцыі "Нясвіж – культурная сталіца Беларусі 2012 года".
На мерапрыемстве выступілі першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі Алена Долгаполава, загадчык галерэйна-выставачнага аддзела Нацыянальнай бібліятэкі Беларусі Фёдор Ястраб, мастак-жывапісец Васіль Касцючэнка, кандыдат мастацтвазнаўства, прафесар кафедры народнай дэкаратыўна-прыкладной творчасці Беларускага дзяржаўнага ўніверсітэта культуры і мастацтваў Уладзімір Рынкевіч, мастак-жывапісец, старшы выкладчык кафедры эстэтычнай адукацыі Беларускага педагагічнага ўніверсітэта імя М. Танка, аўтар работ Віктар Данілаў.
У экспазіцыю выстаўкі ўвайшло каля 60 фатаграфій, прысвечаных палацава-паркаваму комплексу, касцёлу Божага Цела, помнікам гістарычным і рэлігійным дзеячам, а таксама сучасным падзеям і святам Нясвіжа.
Выстаўка будзе дэманстравацца да 27 сакавіка ў галерэі “Панарама”.
Уваход на выстаўку платны, складае кошт наведвання агляднай пляцоўкі.
Кантактныя тэлефоны: 293-28-33, 293-27-66.
 |
 |
 |
 |
 |
 |
