ГалоўнаяНавіныМастацкія выстаўкі
Бахарэвіч разам з Пялевіным і Хаматавай трапіў у “доўгі спіс” рускай кніжнай прэміі
Спартыўнае жыццё краіны праз “Беларусь у асобах і падзеях”

У бібліятэцы прэзентавалі выставачны праект “Беларусь спартыўная”

У бібліятэцы прэзентавалі выставачны праект “Беларусь спартыўная”
Іншыя навіны

30 красавіка ў Нацыянальнай бібліятэцы Беларусі прайшла прэзентацыя выставачнага праекта “Беларусь спартыўная”.

Арганізатары – Нацыянальная бібліятэка Беларусі, Нацыянальны алімпійскі камітэт Рэспублікі Беларусь, Беларускі дзяржаўны ўніверсітэт фізічнай культуры.

На прэзентацыі дырэктар Нацыянальнай бібліятэкі Беларусі Раман Матульскі падкрэсліў, што “алмаз ведаў” не толькі кнігасховішча – гэта адзін з самых вядомых турыстычных цэнтраў краіны, і з пачатку года галоўная бібліятэка краіны рыхтуецца прыняць замежных гасцей, якія прыедуць на міжнародныя спаборніцтвы. Выставачны праект “Беларусь спартыўная” ўвайшоў у культурную праграму II Еўрапейскіх гульняў.

Перарэзаць чырвоную стужачку і выступіць з прывітальным словам прыехалі дырэктар фонду “Дырэкцыя II Еўрапейскіх гульняў”, генеральны сакратар Нацыянальнага алімпійскага камітэта Рэспублікі Беларусь Георгій Катулін, першы намеснік Міністра спорту і турызму Рэспублікі Беларусь Вячаслаў Дурноў, першы прарэктар Беларускага дзяржаўнага ўніверсітэта фізічнай культуры Сяргей Шаўрук.

Ва ўрачыстым мерапрыемстве прыняў удзел майстар спорту па каратэ, васьміразовы чэмпіён Рэспублікі Беларусь, прызёр маладзёжных першынстваў свету і Еўропы, адзін з лідараў нацыянальнай каманды Андрэй Грыневіч.

Выставачны праект прадставіў сувеніры са спартыўнай сімволікай усесаюзных і рэспубліканскіх спаборніцтваў, савецкіх спартакіяд, чэмпіянатаў свету і Еўропы, кубкі, медалі, дыпломы, экіпіроўку вядомых прадстаўнікоў беларускага спорту, такіх як Аляксандра Герасіменя, Віктар Угрумаў, Наталля Цылінская, Андрэй Краўчанка, Дзмітрый Дашчынскі, Уладзімір Камінскі, Аляксей Грышын.

Рэтраспектыўная фотавыстаўка “Дадатковы час” дала магчымасць убачыць рэдкія і малавядомыя фотаздымкі беларускіх спартсменаў. Здымкі дапоўнілі карціны беларускіх мастакоў і спартыўныя плакаты з фондаў Нацыянальнай бібліятэкі.

Персанальная фотавыстаўка Віктара Суглобы пазнаёміла гасцей мерапрыемства з аўтарскімі мастацкімі здымкамі майстра, аб’яднанымі тэмай беларускага спорту.

Кніжная выстаўка “Яркіх перамог, яркага лета!” прадставіла асноўныя правілы, гісторыю і развіццё ў Беларусі 15 відаў спорту, якія ўваходзяць у праграму II Еўрапейскіх гульняў, а таксама іх інфармацыйнае адлюстраванне ў фондах Нацыянальнай бібліятэкі.


Азнаёміцца з выставачным праектам можна да 31 снежня 2019 г. у атрыуме 2-га паверха.

Час работы выстаўкі адпавядае рэжыму работы бібліятэкі.
Уваход на выстаўку – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 266 37 37293 28 81.
Е-mail: pr@nlb.by
Навіны

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

Круцейшыя, чым у братоў Грым: выходзіць зборнік беларускіх чарадзейных казак

18 Ліс 2019

На “Вулеі” ідзе краўдфандынгавая кампанія для выпуску незвычайнага зборніка: “Вядзьмар, які рабіўся ваўком” – гэта трыццаць беларускіх казак з класічных збораў этнографаў XIX–XX стагоддзяў Паўла Шэйна, Еўдакіма Раманава, Міхала Федароўскага і Уладзіслава Вярыгі.

Навіны бібліятэк

Пяцітомнік “Перамога” папоўніў фонд “алмаза ведаў”

16 Ліс 2019

У новым будынку Расійскай нацыянальнай бібліятэкі 15 лістапада адбылося пасяджэнне Савета аддзялення Расійскага гістарычнага таварыства ў рамках VII Усерасійскага форуму публічных бібліятэк “Муніцыпальныя бібліятэкі новага пакалення: рэгіянальны погляд”, на якім Рэспубліку Беларусь прадставіў дырэктар Нацыянальнай бібліятэкі Беларусі Раман Сцяпанавіч Матульскі.

Навіны Нацыянальнай бібліятэкі Беларусі

111