25 ліпеня ў Нацыянальнай бібліятэцы Беларусі да 100-годдзя Латвіі і Латвійскай нацыянальнай бібліятэкі прайшло ўрачыстае адкрыццё фотавыстаўкі “Далягляд” у рамках рабочага візіту ў Рэспубліку Беларусь міністра замежных спраў Латвійскай Рэспублікі Эдгара Рынкевічса.
У мерапрыемстве прынялі ўдзел міністр замежных спраў Рэспублікі Беларусь Уладзімір Макей, міністр замежных спраў Латвійскай Рэспублікі Эдгар Рынкевічс, дырэктар Латвійскай нацыянальнай бібліятэкі Андрыс Вілкс.
Дырэктар Нацыянальнай бібліятэкі Беларусі Раман Матульскі павіншаваў прадстаўнікоў Латвіі з нацыянальным святам, а калег з Латвійскай нацыянальнай бібліятэкі – з векавым юбілеем арганізацыі.
У завяршэнне адкрыцця гасцей азнаёмілі з экспазіцыяй.
На фотавыстаўцы “Далягляд” прадстаўлены стэнды са здымкамі, якія знаёмяць гледача з самымі рознымі куткамі Латвіі: ад зялёных лясных масіваў, туманных вулачак і камяністых берагоў вадаёмаў да ажурных палацаў, гарадской забудовы, старадаўніх і сучасных інтэр'ераў.
Матэрыял прадстаўлены аддзелам сувязей з грамадскасцю.
Глядзіце таксама наш фотарэпартаж пра падзею, а таксама відэа на тэлеканалах Белтэлерадыёкампаніі a> і СТВ: