27 сакавіка ў галерэі “Панарама” (22-гі паверх) распачнецца выстаўка кніжнай і станкавай графікі беларускага мастака Мiхаiла Барздыкi.
Міхаіл Барздыка нарадзіўся ў 1944 г. на Віцебшчыне. Яго творчасці ўласціва спалучэнне традыцыйных народных матываў у сучаснай стылістыцы і філасофскага разумення жыцця ў лірычнай інтэрпрэтацыі.
Ствараючы свае кампазіцыі, мастак не выдумляе графічныя сюжэты, а толькі накіроўвае і кантралюе той псіхалагічна-этычны сплаў, што ўзнікае ў яго філасофска-мастакоўскім уяўленні, у патрэбнае графічнае рэчышча, дзе ёсць месца свядомаму і стыхійнаму, інтуітыўнаму і рацыянальнаму.
Творы мастака захоўваюцца ў музеях Беларусі, Венгрыі, ЗША, Італіі, Расіі, Францыі. Кніга “Нетры”, аформленая ім, на Франкфурцкім кніжным кірмашы 2005 года ўвайшла ў лік 100 лепшых кніг свету, а выданне “Палын. Чарнобыль” (2006) атрымала на Міжнародным конкурсе ў Бельгіі залаты медаль. Акрамя таго, творчасць мастака адзначана сярэбраным медалём Еўрапейскай акадэміі мастацтваў (1992) і залатым медалём Міжнароднага конкурсу графікі ў Бельгіі (1993).
Уваход на выстаўку платны і складае кошт наведвання агляднай пляцоўкі Нацыянальнай бібліятэкі Беларусі.
Тэлефон для даведак: (8 017) 293 27 56.
Е-mail: pr@nlb.by.
