Пасля прывітальных слоў і тэатралізаванага адкрыцця святочнае дзеянне перамясцілася на тэматычныя пляцоўкі.
Тыя, хто жадаў ахапіць усё і адразу, пайшлі на travel-экскурсію “Будзь з намі!”, “Book-вандроўку” і “У госці да Скарыны”. А астатнія госці падзяліліся – хто накіраваўся на танцы, хто на шашкі. Хто прыйшоў з кампаніяй – адправіўся тэсціраваць настольныя гульні ад “Hobby World”, ну а дзяўчаты – на майстар-клас макіяжу і паказ дызайнерскага адзення майстэрні “Elen Carottе” і Настассі Фальковіч.
Шмат гледачоў сабралася на “Musik time”. Акрамя сольнага выступлення Максіма Еўсюкова, тут разгарнуўся сапраўдны “Beatbox” батл! А вось тыя, каму шум не да спадобы, змаглі зручна размясціцца ў “Chill out з кнігай” і павысіць свой IQ у “Інтэлектуальным эпіцэнтры”.
Весела і з запалам праляцеў час у “Свеце дзяцінства”, і гэта не дзіўна – дзіцячая пляцоўка размясцілася на выстаўцы васковых персанажаў “Казачнае падарожжа”! Для маленькіх аматараў кнігі прайшоў займальны ўрок “Закладка для рукапісца”, лялечны спектакль “Прыгоды кацянят” дзіцячага тэатра ДШМ № 2, займальныя вопыты ад музея навукі “Элемента” і сапраўднае шоу мыльных бурбалак! А 21-й гадзіне для дзяцей свята завяршылася – яны паглядзелі фрагмент спектакля “Маленькі прынц” у выкананні інтэрактыўнага тэатра “Кропка” і стомленыя, але задаволеныя накіраваліся з бацькамі дадому.
А вось для моладзі і гасцей сталага ўзросту вечар у самым разгары!
Пасля 21.00 працягваем танцаваць, гуляць у “настолкі” і атрымліваць асалоду ад жывой музыкі – неўзабаве загучыць джаз ад творчай майстэрні Алены Вашкевіч, сола Яна Жанчака і пачнуцца выступленні рок-гуртоў “Markuts band” і “KRNDSHS”.
Прыемнага вечара!
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
