4 мая ў Нацыянальнай бібліятэцы адбылася IX Навукова-практычная канферэнцыя “Электронная культура” на тэму “Рэальнасць і віртуальнасць ва ўмовах пандэміі”.
Арганізатарамі мерапрыемства выступілі Міністэрства культуры Рэспублікі Беларусь і Нацыянальнай бібліятэка Беларусі. З прывітальным словам да прысутных звярнуліся намеснік міністра культуры Рэспублікі Беларусь Валерый Грамада і генеральны дырэктар Нацыянальнай бібліятэка Беларусі Раман Матульскі.
У працы канферэнцыі ўзялі ўдзел кіраўнікі і спецыялісты вядучых устаноў культуры, навукі, адукацыі, прадстаўнікі IТ-кампаній нашай краіны. Сярод арганізацый-удзельнікаў – Нацыянальны архіў Рэспублікі Беларусь, Музей беларускага кнігадрукавання (г. Полацк), Рэспубліканская навукова-тэхнічная бібліятэка, Беларускі дзяржаўны тэхналагічны ўніверсітэт, Аб’яднаны інстытут праблем інфарматыкі НАН Беларусі, СТАА “Беларускія воблачныя тэхналогіі”, Нацыянальны цэнтр электронных паслуг і іншыя.
Прыемна адзначыць, што канферэнцыя выйшла за рамкі Беларусі – да ўдзельнікаў далучыўся прадстаўнік Дзяржаўнага інстытута мастацтва і культуры Рэспублікі Узбекістан, генеральны дырэктар ГАА “Дата Экспрэс” (г. Масква).
У рамках мерапрыемства прагучала 26 дакладаў. Спецыялісты абмеркавалі актуальныя пытанні развіцця інавацыйных тэхналогій у сферы культуры, абмяняліся вопытам укаранення новых тэхналогій і прадстаўлення электронных паслуг, у тым ліку ва ўмовах пандэміі.
Канферэнцыя атрымалася насычанай і цікавай. Важна адзначыць, што пасля заканчэння канферэнцыі яе відэазапіс даступны для прагляду тут.
Матэрыял пададзены інфармацыйна-аналітычным аддзелам.
