Адкрыта рэгістрацыя ўдзельнікаў на IX Міжнародны кангрэс “Бібліятэка як феномен культуры”, які адбудзецца ў Нацыянальнай бібліятэцы Беларусі 15–16 верасня 2022 г.
IX Міжнародны кангрэс прымеркаваны да 100-годдзя Нацыянальнай бібліятэкі Беларусі.
Тэма гэтага года – “Лічбавая трансфармацыя бібліятэк: пераемнасць і вектар развіцця”.
На кангрэсе плануецца пазнаёміцца з гісторыяй бібліятэк і бібліятэчнай справы Беларусі і замежных краін; абмеркаваць нарматыўнае прававое забеспячэнне бібліятэчнай дзейнасці; разгледзець інавацыйныя падыходы да арганізацыі фондаў, абслугоўвання карыстальнікаў; прааналізаваць асноўныя напрамкі навукова-даследчай дзейнасці бібліятэк, прафесійныя кампетэнцыі бібліятэчных спецыялістаў у сучасных умовах і многае іншае.
У рамках кангрэсу пройдзе XXVI Агульны сход некамерцыйнага партнёрства “Бібліятэчная асамблея Еўразіі”.
Запрашаем да ўдзелу ў мерапрыемстве спецыялістаў бібліятэк, музеяў, архіваў, навукова-даследчых арганізацый, адукацыйных устаноў, выдавецтваў, прадстаўнікоў дзяржаўных структур і грамадскіх арганізацый.
Больш падрабязная інфармацыя аб кангрэсе і рэгістрацыя ўдзельнікаў – на сайце канферэнцыі.
Матэрыял пададзены НДА бібліятэказнаўства.