21 снежня Беларусь з афіцыйным візітам наведала дэлегацыя Санкт-Пецярбурга на чале з губернатарам В.І. Мацвіенка.
У склад дэлегацыі ўвайшлі кіраўнікі камітэтаў, прадпрыемстваў і арганізацый Санкт-Пецярбурга.
У рамках візіту ў Нацыянальнай бібліятэцы Беларусі адбылася сустрэча прэм’ер-міністра Рэспублікі Беларусь С.С. Сідорскага з губернатарам Санкт-Пецярбурга В.І. Мацвіенка адзін на адзін і пасяджэнне Савета дзелавога супрацоўніцтва Беларусі і Санкт-Пецярбурга.
У ходзе пасяджэння былі падведзены вынікі гандлёва-эканамічнага супрацоўніцтва і выканання дамоў паміж урадамі Беларусі і Санкт-Пецярбурга ў 2009 годзе. Бакі разгледзелі перспектывы супрацоўніцтва ў сферы развіцця кааперацыйных сувязяў, стварэння сумесных зборачных вытворчасцей, паставак транспартнай, камунальнай і дарожна-будаўнічай тэхнікі, прадукцыі сельгасперапрацоўкі, харчовых і спажывецкіх тавараў, а таксама пытанні развіцця тавараправоднай сеткі беларускіх прадпрыемстваў у Санкт-Пецярбургу.
Па выніках пасяджэння адбылася прэс-канферэнцыя В.І. Мацвіенка і С.С. Сідорскага.