ГалоўнаяНавіныНавіны Нацыянальнай бібліятэкі Беларусі
Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!
Цытаты Уладзіміра Караткевіча

Агульны сход Бібліятэчнай асамблеі Еўразіі анлайн

Агульны сход Бібліятэчнай асамблеі Еўразіі анлайн
Іншыя навіны

25 лістапада ў рэжыме відэасувязі на платформе zoom адбыўся XXIV Агульны сход членаў некамерцыйнага партнёрства “Бібліятэчная асамблея Еўразіі” (БАЕ).

Галоўнай мэтай некамерцыйнага партнёрства бібліятэк краін Садружнасці Незалежных Дзяржаў (СНД) з’яўляецца культурнае і інфармацыйна-бібліятэчнае ўзаемадзеянне. Агульны сход арганізацыі закліканы вызначаць прыярытэтныя напрамкі дзейнасці, распрацоўваць агульныя падыходы да праблемных пытанняў, сцвярджаць праграмы абмену і павышэння кваліфікацыі супрацоўнікаў бібліятэк, сумесныя праекты, вырашаць іншыя пытанні.

У пачатку пасяджэння ў адрас БАЕ прагучалі прывітанні Выканаўчага камітэта СНД і Міждзяржаўнага фонду гуманітарнага супрацоўніцтва СНД.

Прысутныя заслухалі справаздачу дырэкцыі аб праведзенай працы, абмеркавалі бягучую дзейнасць арганізацыі і ініцыятывы на бліжэйшыя гады.

Калегі падзяліліся меркаваннямі аб падрыхтоўцы мадэльных рэкамендацый па вызначэнні адзіных падыходаў да пытання абавязковага асобніка друкаванага выдання ў электроннай форме ў дзяржавах – удзельніцах СНД, распавялі аб сумеснай працы бібліятэк па рэалізацыі праектаў у межах Года 75-годдзя Перамогі ў Вялікай Айчыннай вайне 1941–1945 гадоў, аб удзеле спецыялістаў краін СНД у 37-м Сусветным кангрэсе Міжнароднага савета па дзіцячай кнізе (IBBY) восенню 2021 года.

Генеральны дырэктар Нацыянальнай бібліятэкі Беларусі Раман Матульскі выступіў з паведамленнем аб супрацоўніцтве бібліятэкі з замежнымі партнёрамі ў ажыццяўленні праектаў, прысвечаных Вялікай Перамозе, адзначыўшы, што бібліятэка інтэнсіўна ўзаемадзейнічае ў лічбавым асяроддзі, якое зараз актыўна развіваецца і становіцца эфектыўнай платформай для міжнароднага супрацоўніцтва анлайн.

У ходзе дыскусіі і абмену думкамі на XXIV Агульным сходзе былі вызначаны Стратэгічныя напрамкі супрацоўніцтва бібліятэк БАЕ на 2021–2022 гады.

У мерапрыемстве прынялі ўдзел прадстаўнік Выканаўчага камітэта СНД, кіраўнікі і супрацоўнікі бібліятэк – удзельніц БАЕ.

Фота прадастаўлены Нацыянальнай бібліятэкай Беларусі і Расійскай дзяржаўнай бібліятэкай

Матэрыял пададзены аддзелам сувязей з грамадскасцю.

Навіны

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Як падрыхтавацца да сесіі з дапамогай віртуальнай чытальнай залы НББ

15 Сту 2021

З чым у вас асацыюецца студзень? Хтосьці пры згадванні гэтага зімовага месяца адразу адчувае водар ігліцы, цытрусавых і атмасферу яркіх вечарын. А нехта – асабліва ў студэнцкія гады – не можа пазбавіцца думкі, што гэты час – суцэльныя дэдлайны, аўралы і сесія.

Бібліятэка анлайн

Акно ў мінулае: адкрыты доступ да электроннага інфармацыйнага рэсурсу “Станаўленне і развіццё бібліятэк Беларусі: архіўныя дакументы”

15 Сту 2021

Як адбывалася станаўленне беларускіх бібліятэк у першай палове ХХ стагоддзя? Хто мог стаць бібліятэкарам? Што такое чароўны ліхтар? Чаму першы дырэктар Беларускай дзяржаўнай бібліятэкі І.Б. Сіманоўскі прапанаваў паменшыць плошчу, адведзеную пад яго кватэру? Для чаго супрацоўнікі бібліятэкі вызваляліся ад працы на тэрмін да 3 дзён? Адказ на гэтыя і многія іншыя пытанні можна знайсці ў новым рэсурсе Нацыянальнай бібліятэкі Беларусі.

Бібліятэка анлайн

Гісторыя супервокладкі: ад скрынкі да рэкламы мыла і далей

14 Сту 2021

Паглядзім праўдзе ў вочы: выбіраючы кнігу, мы ўсе звяртаем увагу на вокладку. Кніжны дызайн цяпер набірае абароты, бо заўсёды прыемна мець прыгожа аформленую хатнюю бібліятэку. А зараз падумайце: колькі з вашых кніг захавалі супервокладкі? Што адбываецца з імі пасля куплі? Вы пазбаўляецеся ад іх, пакідаючы кнігу ў першапачатковым выглядзе, ці, наадварот, захоўваеце больш маляўнічую абгортку дзеля эстэтыкі?
Мы ўжо разабраліся з тым, чаму кнігі прамавугольнай формы і як яны сталі ўніверсальным падарункам. Самы час узяцца за супервокладку!

Аўтарскі погляд

Бібліятэкарам
111