10 кастрычніка ў бібліятэцы адбудзецца творчае мерапрыемства “Барадулін у нашых сэрцах”, прымеркаванае да 85-годдзя народнага паэта Беларусі Рыгора Барадуліна. Запрашаем дзетак, іх бацькоў і ўсіх аматараў паэзіі!
Асноўнымі ўдзельнікамі сустрэчы стануць юныя чытачы, якія бралі ўдзел у конкурсе, прысвечаным паэту. Дзеці чыталі вершы і выбіралі цытаты з творчай спадчыны Рыгора Барадуліна, стваралі плакаты з улюбёнымі ўрыўкамі і пісалі эсэ. Вынікі конкурсу паказалі, што сучасным дзецям цікавая нацыянальная паэзія, яны адчуваюць глыбіню мастацкага вобразу, створанага на роднай мове, імкнуцца выказаць сябе, свае пачуцці ва ўласных тэкстах па-беларуску.
Сустрэча ў бібліятэцы дасць магчымасць яшчэ раз далучыцца да багатай творчай спадчыны Рыгора Барадуліна – глыбока нацыянальнай, пранікнёнай і вельмі шчырай.
Юныя аўтары пачытаюць уласныя эсэ, у якіх раскрылі разуменне слова паэта, свае асэнсаванні і перажыванні.
На сустрэчы плануюць прысутнічаць удава паэта – Валянціна Міхайлаўна Барадуліна, яго сябры і паплечнікі, а таксама іншыя знакамітыя госці, якія зробяць мерапрыемства ўнікальным і незабыўным!
Дата: 10 кастрычніка (субота).
Час: 12.00.
Месца: галерэя “Лабірынт” (3-ці паверх).
Тэлефоны для кантактаў: (8 017) 293 27 82, (8 044) 579 39 07.
Матэрыял пададзены навукова-даследчым аддзелам кнігазнаўства.
Чытайце таксама:
Лаўрэаты конкурсу да 85-годдзя Рыгора Барадуліна