8 чэрвеня ў Нацыянальнай бібліятэцы Беларусі адбыўся круглы стол “Год гістарычнай памяці: каляндар падзейных мерапрыемстваў Рэспублікі Беларусь. Год культурнай спадчыны народаў Расіі: каляндар падзейных мерапрыемстваў Рэспублікі Мардовія. Музейныя маршруты Рэспублікі Мардовія”.
Мерапрыемства адкрылі першы намеснік міністра культуры Рэспублікі Беларусь В.І. Грамада і міністр культуры, нацыянальнай палітыкі і архіўнай справы Рэспублікі Мардовія С.Н. Бауліна.
У працы круглага стала ўзялі ўдзел прадстаўнікі ўстаноў культуры Беларусі і Мардовіі.
Бакі праінфармавалі адзін аднаго аб асноўных падзеях Рэспублікі Беларусь і Рэспублікі Мардовія Расійскай Федэрацыі, падзяліліся вопытам правядзення брэндавых фестываляў і нацыянальных свят, абмеркавалі пытанні захавання гістарычнай спадчыны, гістарычнай памяці і нацыянальнай ідэнтычнасці. На сустрэчы былі дасягнуты дамоўленасці аб пашырэнні супрацоўніцтва ў сферы культуры і адукацыі.
Прыемным момантам мерапрыемства стала выступленне этнаграфічнай фальклорнай студыі “Мерэма” з Мардовіі.
Мерапрыемства прайшло ў рамках візіту дэлегацыі Рэспублікі Мардовія ў нашу краіну.
Матэрыял пададзены аддзелам сувязей з грамадскасцю.
