28 сакавіка ў бібліятэцы прайшла прэзентацыя кнігі-фотаальбома “Беларусь – Литва: время сближения”.
Арганізатары мерапрыемства – Нацыянальная бібліятэка Беларусі і выдавецтва “Беловагруп”.
Аўтарам навукова-папулярнага выдання з'яўляецца вядомы дзяржаўны і палітычны дзеяч, Надзвычайны і Паўнамоцны Пасол Рэспублікі Беларусь у Літоўскай Рэспубліцы і Фінляндскай Рэспубліцы ў 2006–2014 гадах Уладзімір Дражын.
Кніга, прысвечаная 25-годдзю ўстанаўлення дыпламатычных адносін паміж Рэспублікай Беларусь і Літоўскай Рэспублікай, раскрывае агульныя карані вялікай шматвяковай гісторыі дзвюх дзяржаў, дэманструе працэс развіцця беларуска-літоўскіх адносін у розных сферах, падкрэслівае высокі патэнцыял і далейшыя перспектывы пашырэння двухбаковых сувязяў.
Падчас прэзентацыі адбылася перадача выданні з аўтографам аўтара Нацыянальнай бібліятэцы Беларусі і ганаровым гасцям.
У мерапрыемстве прынялі ўдзел міністр інфармацыі Рэспублікі Беларусь Аляксандр Карлюкевіч, Надзвычайны і Паўнамоцны Пасол Літоўскай Рэспублікі ў Рэспубліцы Беларусь Андрус Пулокас, саветнік Пасольства Рэспублікі Беларусь у Літоўскай Рэспубліцы па гуманітарных пытаннях Ірына Зубко, кіраўнік аддзялення Пасольства Фінляндскай Рэспублікі ў Рэспубліцы Беларусь Яне Хейсканен, аўтар кнігі Уладзімір Дражын, дырэктар Нацыянальнай бібліятэкі Беларусі Раман Матульскі, акадэмік-сакратар аддзялення гуманітарных навук і мастацтваў НАН Беларусі Аляксандр Каваленя, першы намеснік старшыні Саюза пісьменнікаў Беларусі Алена Стэльмах, член Савета Вільнюскага вышэйшага каманднага вучылішча радыёэлектронікі Вячаслаў Кастроў.
Тэлефон для даведак: (8 017) 293 29 80.
Е-mail: pr@nlb.by