27 студзеня ў бібліятэцы адбыўся вебінар для настаўнікаў і бібліятэкараў школьных бібліятэк Заводскага раёна г. Мінска на тэму “Беларусазнаўчыя інфармацыйныя рэсурсы Нацыянальнай бібліятэкі Беларусі ў дапамогу адукацыйнаму працэсу”.
На вебінары спецыялісты навукова-даследчага аддзела бібліяграфіі прадэманстравалі магчымасці анлайн-энцыклапедыі “Беларусь у асобах і падзеях” (даклад галоўнага бібліёграфа Наталлі Іванаўны Барсуковай) і распавялі пра электронны інфармацыйны рэсурс “Беларусь у інфармацыйнай прасторы” (даклад вядучага бібліятэкара Людмілы Васільеўны Гарбачовай).
У працы вебінара аддалена ўзялі ўдзел бібліятэкары і настаўнікі з 26 навучальных устаноў Заводскага раёна г. Мінска.
Асаблівую падзяку за дапамогу ў арганізацыі анлайн-мерапрыемства выказваем загадчыцы дапаможнай школы-інтэрната № 10 г. Мінска Алене Іванаўне Камінскай.
Матэрыял пададзены навукова-даследчым аддзелам бібліяграфіі.
