8 лютага ў Нацыянальнай бібліятэцы Беларусі ў рамках XХ Мінскай міжнароднай кніжнай выстаўкі-кірмашу прайшло пасяджэнне круглага стала “Бібліятэкі Беларусі і фарміраванне інфармацыйнай культуры навучэнцаў і студэнтаў”.
Арганізатарамі мерапрыемства выступілі Міністэрства культуры Рэспублікі Беларусь і Нацыянальная бібліятэка Беларусі.
У рабоце круглага стала ўзялі ўдзел прадстаўнікі Міністэрства культуры і Міністэрства адукацыі, Мінскага абласнога інстытута развіцця адукацыі, Нацыянальнага інстытута адукацыі, а таксама кіраўнікі і спецыялісты бібліятэк.
Пад час сустрэчы за круглым сталом абмяркоўваліся наступныя пытанні:
- фарміраванне інфармацыйнай культуры навучэнцаў і студэнтаў з вопыту бібліятэк Беларусі,
- магчымасці сучасных бібліятэчных устаноў у фарміраванні інфармацыйнай культуры моладзі,
- арыентаванне ў інфармацыйнай прасторы,
- стратэгія міжведамаснага ўзаемадзеяння і сацыяльнага партнёрства.
Сайт круглага стала “Бібліятэкі Беларусі і фарміраванне інфармацыйнай культуры навучэнцаў і студэнтаў”.
Чытайце таксама пра праекты, падрыхтаваныя Нацыянальнай бібліятэкай Беларусі ў рамках XХ Мінскай міжнароднай кніжнай выстаўкі-кірмашу:
- Прэзентацыя навукова-выдавецкіх праектаў бібліятэкі
- Кірмаш інвестыцыйных праектаў бібліятэкі
- Прэзентацыя факсіміле Полацкага Евангелля