У сувязі з абвастрэннем эпідэміялагічнай сітуацыі, выкліканай каранавіруснай інфекцыяй COVID-19, вядучыя сусветныя выдавецтвы і агрэгатары інфармацыі адкрываюць часовы доступ да навуковых электронных інфармацыйных рэсурсаў.
Цэлым шэрагам выдавецтваў, у ліку якіх Elsevier, Wiley, Cambridge University Press, Oxford University Press і інш., прынята рашэнне пра прадастаўленне бясплатнага доступу на час эпідэміі да наяўных навуковых публікацый і выніках апошніх даследаванняў па новай каранавіруснай інфекцыі COVID-19.
Аператыўны і бясплатны доступ да матэрыялаў, якія раней былі даступны толькі па падпісцы, дасць магчымасць павысіць эфектыўнасць даследаванняў, падтрымаць меры рэагавання з боку аховы здароўя і паскорыць адкрыццё метадаў лячэння.
У сувязі з пераводам многіх навучальных устаноў на дыстанцыйную арганізацыю навучальнага працэсу некаторыя выдавецтвы прапануюць таксама бясплатны доступ у рэжыме анлайн да падручнікаў для вышэйшай адукацыі і актуальных навуковых распрацовак.
Больш падрабязная інфармацыя прадстаўлена і будзе аператыўна абнаўляцца на старонцы віртуальнай чытальнай залы Нацыянальнай бібліятэкі Беларусі.
Матэрыял прадастаўлены аддзелам карпаратыўнага ўзаемадзеяння.