16 красавіка бібліятэчныя фонды сярэдняй школы № 32 г. Мінска папоўніліся больш чым 900 выданнямі дзіцячай, вучэбнай, вучэбна-метадычнай і мастацкай літаратуры.
Ад Нацыянальнай бібліятэкі Беларусі ў акцыі прынялі ўдзел намеснік дырэктара па інфармацыйных рэсурсах Т.В. Кузьмініч, загадчыца аддзела камплектавання фондаў Ю.А. Пераверзева і загадчыца сектара ўнутрырэспубліканскага дакументаабмену і пераразмеркавання М.В. Жукоўская.
Загадчыца школьнай бібліятэкай В.В. Логінава і вучні 3 “Г” класа сярэдняй школы № 32 – удзельнікі літаратурнага аб’яднання “Натхненне” – паказалі міні-спектакль, прысвечаны кошкам і кнігам.
НББ дзякуе выдавецтвам “Беларусь”, “Пачатковая школа”, “Право и экономика”, “Народная асвета”, кнігагандлёвыя арганізацыі “БукЛайнГруп”, “БелтаймКніга”, “Мобилбук”, “Красіка-Прынт”, “Питер-М”, “Эўрыка-М” і Мінскаму гарадскому інстытуту развіцця адукацыі за падтрымку.
Заклікаем усіх жадаючых далучыцца да дабрачыннай акцыі!
Матэрыял прадастаўлены аддзелам камплектавання фондаў.