26 лютага ў Нацыянальнай бібліятэцы прайшло падвядзенне вынікаў раённага літаратурнага конкурсу “Дэбют”, прысвечанага творчасці пачынаючых паэтаў і пісьменнікаў.
Штогадовы конкурс садзейнічае раскрыццю новых талентаў, рэалізацыі творчага патэнцыялу, выяўленню літаратурна-мастацкіх здольнасцей жыхароў Першамайскага раёна сталіцы.
Кампетэнтнае журы, прадстаўленае членам прэзідыума Саюза пісьменнікаў Беларусі Віктарам Праўдзіным, галоўным рэдактарам часопіса “Вясёлка” Уладзімірам Ліпскім, загадчыкам аддзела рэдакцыі газет “Минский курьер”, “Вечерний Минск” Уладзімірам Нікалайчуком, генеральным дырэктарам рэдакцыі газеты “Шапокляк” Анатолем Гармазой, ацэньвала работы ўдзельнікаў па трох напрамках: “Мы гэтай зямлі працяг”, “Сям’я – прытулак душы”, “Усё перамагае любоў, пакарымся ж і мы яе ўладзе”. Пераможцамі і прызёрамі конкурсу журы стала 76 чалавек.
Арганізатарамі ўрачыстай цырымоніі ўзнагароджання выступілі Нацыянальная бібліятэка Беларусі і Адміністрацыя Першамайскага раёна г. Мінска.
Матэрыял пададзены аддзелам сувязей з грамадскасцю.
