25 верасня ўдзельнікаў "Клуба кніжных прафесараў" прывітала Дэніс Элен Кэрал, навуковец Групы даследавання рукапісаў (ЗША), і правяла экскурсію па выстаўцы "Беларусь і Біблія".
Даследчыца падрабязна расказала пра рукапісную кніжную традыцыю, выраб папірусу і пергаменту, цяжкую працу рукапісцаў.
У экспазіцыі ўдзельнікі пабачылі разнастайныя рукапісныя і першыя друкаваныя Бібліі.
Затым дзеткі глядзелі відэа пра заснавальніка еўрапейскага кнігадрукавання Ёгана Гутэнберга і самі друкавалі старонку з Бібліі Францыска Скарыны.
