3 мая дзіцячы пакой запрашае дзяцей 5–9 гадоў на святочнае мерапрыемства “Дзеля жыцця на зямлі”, прысвечанае Дню Перамогі.
На занятках у цікавай і даступнай форме наведвальнікам раскажуць пра гэтае вялікае свята. На мерапрыемстве прагучаць песні таго часу, якія перадаюць дух і настрой ваенных гадоў. У гульнёвай форме дзецям будуць прапанаваны розныя сітуацыі, рашэнне якіх навучыць іх прымаць важныя рашэнні.
Таксама хлопчыкі і дзяўчынкі паўдзельнічаюць у конкурсах “Збі самалёт” і “Збяры волю ў кулак”, змайструюць з паперы “франтавы трохвугольнік”, які быў самай доўгачаканай вестачкай ад салдат з фронту.
Завяршыцца мерапрыемства святочным маршам.
Час правядзення мерапрыемства: 18.00–19.30.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
