21 снежня дзіцячы пакой запрашае дзяцей 5–9 гадоў на майстар-клас па дэкупажы “Падарунак ёлцы”.
Надышла зіма і прынесла з сабою не толькі чараўніцтва снегу і сняжынак, але і магчымасць самім прыдумаць святочныя аздабленні. На майстар-класе хлопчыкі і дзяўчынкі даведаюцца пра тэхніку дэкупажу, г.зн. дэкарыравання прадметаў, і навучацца ствараць з дапамогай маляўнічых сурвэтак, дэкаратыўных упрыгажэнняў, клею і кардону яркія навагоднія цацкі.
Святочная атмасфера зімовых вершаў, песень і загадак наблізіць самае любімае свята – Новы год, а зробленая цацка стане цудоўнай аздобай для пухнатай ялінкі.
Запрашаюцца дзеці 5–9 гадоў.
Час правядзення заняткаў: 18.00–19.30.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс на мерапрыемства па тэлефоне: (8 017) 293 25 34.