16 чэрвеня дзіцячы пакой запрашае дзяцей і іх бацькоў на святочнае мерапрыемства "У гасцях у Бібліятэкі".
На мерапрыемстве ўдзельнікі даведаюцца шмат цікавага і карыснага пра галоўную бібліятэчную ўстанову краіны – Нацыянальную бібліятэку Беларусі.
На свяце іх чакаюць вясёлыя конкурсы і цікавыя заданні. У конкурсе "Яркія фарбы Бібліятэкі" дзеці змогуць праявіць сябе юнымі мастакамі, хуткасць і кемлівасць спатрэбяцца ім пры збіранні пазла "Чарадзейная кніга". Сумесна маленькія майстры створаць свае непаўторныя сюжэты з аб’ёмных пластылінавых фігурак "Я і Бібліятэка".
У завяршэнні мерапрыемства дзяўчынкі і хлопчыкі размалююць паветраныя шары і зробяць салют з мыльных бурбалак.
На мерапрыемства запрашаюцца дзеці 5–9 гадоў.
Заняткі пройдуць з 18.00 да 19.30.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдне запісацца на мерапрыемства можна па тэлефоне: (8 017) 293 25 34.
