24 жніўня адбылася сустрэча міністра замежных спраў Рэспублікі Беларусь Уладзіміра Макея з дырэктарам Нацыянальнай бібліятэкі Беларусі Раманам Матульскім.
Як паведамляецца на сайце Міністэрства замежных спраў Рэспублікі Беларусь, у ходзе сустрэчы Р. Матульскі перадаў у дар ведамству заключную частку шматтомнага факсімільнага выдання “Кніжная спадчына Францыска Скарыны”. Праект быў прымеркаваны да 500-годдзя беларускага кнігадрукавання.
Суразмоўцы падкрэслілі значнасць гэтай ініцыятывы, якая дазволіла вярнуць спадчыну Ф. Скарыны ў нацыянальную і міжнародную культурную прастору, зрабіць яе даступнай для шырокага кола чытачоў. Зборнік наглядна дэманструе багацце і самабытнасць нацыянальнай культуры, глыбокія карані беларускага кнігадрукавання.
Р. Матульскі адзначыў, што пры падтрымцы Міністэрства замежных спраў кніжная спадчына Скарыны была прэзентавана ў многіх краінах, у тым ліку Ватыкане, Вялікабрытаніі, Італіі, Кітаі, ЗША і Францыі.
Чытайце таксама: