23–25 мая адбыўся III Форум бібліятэкараў Беларусі “Гуманітарна-асветніцкая дзейнасць бібліятэк у кантэксце агульначалавечых каштоўнасцей і беларускай дзяржаўнасці”.
Яго арганізатарамі сталі Міністэрства культуры Рэспублікі Беларусь, грамадскае аб’яднанне “Беларуская бібліятэчная асацыяцыя”, дзяржаўная ўстанова “Нацыянальная бібліятэка Беларусі” і Лагойскі раённы выканаўчы камітэт.
У мерапрыемстве ўзялі ўдзел каля 350 дэлегатаў з Беларусі – вядучыя спецыялісты бібліятэк, адукацыйных устаноў, прадстаўнікі заканадаўчай і выканаўчай улады.
Пад час форуму адбылося пленарнае пасяджэнне, прайшлі пасяджэнні чатырох секцый: “Бібліятэкі ў сацыякультурным асяроддзі рэгіёнаў”, “Інфармацыйныя тэхналогіі як фактар павышэння эфектыўнасці абслугоўвання карыстальнікаў”, “Роля бібліятэкі ў станаўленні падрастаючай асобы”, “Сацыяльнае і карпаратыўнае ўзаемадзеянне – умова ўстойлівага развіцця бібліятэк”.
У першы дзень да ўвагі дэлегатаў была прапанавана выстаўка работ удзельнікаў XXI Рэспубліканскага конкурсу “Бібліятэка – асяродак нацыянальнай культуры”.
На пленарным і секцыйных пасяджэннях прагучала звыш 60 дакладаў спецыялістаў бібліятэк розных міністэрстваў і ведамстваў, у якіх былі ўзняты праблемы нарматыўнага прававога забеспячэння бібліятэчнай галіны, карпаратыўнага ўзаемадзеяння бібліятэк Беларусі, укаранення інфармацыйных тэхналогій у іх дзейнасць, месца бібліятэк у сацыякультурным асяроддзі рэгіёнаў і інш. Былі прадстаўлены вынікі дзейнасці і прыярытэты развіцця ГА “Беларуская бібліятэчная асацыяцыя”.
У рамках форуму адбылася справаздачна-выбарная канферэнцыя ГА “Беларуская бібліятэчная асацыяцыя”, на якой быў абраны новы склад кіруючых і рабочых органаў прафесійнага грамадскага аб’яднання.
Прааналізаваўшы праблемы развіцця бібліятэчнай галіны, удзельнікі форуму выпрацавалі рэзалюцыю, у якой звярнуліся да дзяржаўных органаў кіравання з прапановамі па ўдасканаленні развіцця галіны.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
Чытайце таксама:
