З 29 кастрычніка па 2 лістапада ў Ташкенце (Узбекістан) прайшоў Нацыянальны інфармацыйна-бібліятэчны тыдзень INFOLIB-2012, прысвечаны адкрыццю новага будынка Нацыянальнай бібліятэкі Узбекістана імя Алішэра Наваі.
Ва ўрачыстым адкрыцці інфармацыйна-бібліятэчнага тыдня ўзялі ўдзел прадстаўнікі парламента, Савета міністраў, Адміністрацыі прэзідэнта, супрацоўнікі бібліятэчна-інфармацыйных устаноў краіны. У рамках INFOLIB-2012 прайшоў шэраг мерапрыемстваў – канферэнцыя "Бетгераўскія чытанні – 2012", круглы стол "Скрозь час і прастору", творчыя мерапрыемствы, выстаўкі кніжнай прадукцыі, прэзентацыі вядучых кампаній і інш.
У рабоце інфармацыйна-бібліятэчнага тыдня прыняў удзел дырэктар Нацыянальнай бібліятэкі Беларусі Р.С. Матульскі. На ўрачыстым адкрыцці форуму ён выступіў з вітальным словам да ўдзельнікаў ад імя некамерцыйнага партнёрства "Бібліятэчная асамблея Еўразіі"; а таксама ўзяў удзел у навукова-практычнай канферэнцыі "Карыстальнік: крок насустрач" з дакладам "Нацыянальная бібліятэка Беларусі як элемент інфармацыйнай інфраструктуры грамадства".
Пад час канферэнцыі ўдзельнікі пазнаёміліся з арганізацыяй бібліятэчнай справы ў краіне і работай Нацыянальнай бібліятэкі Узбекістана імя Алішэра Наваі.